ലണ്ടൻ: ബെഡ്ഫോർഡിന് സമീപം വെള്ളിയാഴ്ച വൈകിട്ട് രണ്ട് ട്രെയിനുകൾ കൂട്ടിയിടിച്ചുണ്ടായ അപകടത്തിൽ ഒരു ട്രെയിൻ ഡ്രൈവർ മരിച്ചു. അപകടത്തിൽ നിരവധി യാത്രക്കാർക്ക് ഗുരുതരമായി പരിക്കേറ്റു. വെള്ളിയാഴ്ച വൈകിട്ട് 5.15-ഓടെയായിരുന്നു സംഭവം.(London train accident, Train Collision Near London Leaves Driver Dead And Many Injured)
നോട്ടിംഗ്ഹാമിൽ നിന്നും കോർബിയിൽ നിന്നും ലണ്ടൻ സെന്റ് പാൻക്രാസ് സ്റ്റേഷനിലേക്ക് വരികയായിരുന്ന രണ്ട് ട്രെയിനുകളാണ് കൂട്ടിയിടിച്ചത്. മുന്നറിയിപ്പുകളില്ലാതെ പെട്ടെന്നുണ്ടായ കൂട്ടിയിടിയെത്തുടർന്ന് യാത്രക്കാർ സീറ്റുകളിൽ നിന്ന് തെറിച്ചുവീഴുകയും ട്രെയിനുകളിൽ നിന്ന് പുക ഉയരുകയും ചെയ്തു.
അടിയന്തര സേവന വിഭാഗങ്ങൾ ഉടൻ തന്നെ സംഭവസ്ഥലത്തെത്തി രക്ഷാപ്രവർത്തനം നടത്തി. എയർ ആംബുലൻസുകളടക്കം സ്ഥലത്തെത്തിയിരുന്നു. 11 പേർക്ക് അതിഗുരുതരമായ പരിക്കേറ്റു.22 പേർക്ക് ഗുരുതരമായ പരിക്കുണ്ട്. 56 പേർക്ക് നിസ്സാര പരിക്കുകളേറ്റു.
“സീറ്റിൽ ഇരിക്കുമ്പോൾ പെട്ടെന്നൊരു ഇടി, തുടർന്ന് പുക ഉയരുന്നത് കണ്ടു. ആളുകൾ കരയുകയും നിലവിളിക്കുകയും ചെയ്യുന്നുണ്ടായിരുന്നു. പലർക്കും കാലുകൾക്ക് പൊട്ടലേൽക്കുകയും സംസാരിക്കാൻ കഴിയാത്ത അവസ്ഥയിലുമായിരുന്നു,” അപകടത്തിൽപ്പെട്ട യാത്രക്കാരനായ പീറ്റർ നാപ്പ് പറഞ്ഞു. ഈസ്റ്റ് മിഡ്ലാൻഡ്സ് റെയിൽവേയുടെ ട്രെയിനുകളാണ് അപകടത്തിൽപ്പെട്ടത്. അപകടത്തെത്തുടർന്ന് വെള്ളിയാഴ്ച ലണ്ടൻ സെന്റ് പാൻക്രാസിലേക്കും തിരിച്ചുമുള്ള എല്ലാ സർവീസുകളും റദ്ദാക്കി. ശനിയാഴ്ചത്തെ സർവീസുകൾ സംബന്ധിച്ച കാര്യത്തിൽ നിലവിൽ വ്യക്തതയില്ല. റെയിൽവേ തൊഴിലാളികളുടെ സംഘടനയായ ആർഎംടി സംഭവത്തിൽ ആശങ്ക രേഖപ്പെടുത്തുകയും സ്ഥിതിഗതികൾ നിരീക്ഷിച്ചുവരികയാണെന്നും അറിയിച്ചു.
Story Summary
A train collision near Bedford, north of London, has resulted in the death of a train driver and left scores injured, including 11 people with very serious injuries. Emergency services launched a major operation at the scene, leading to the suspension of all train services to and from London St. Pancras station.
