ടെക്സസ്: പുലർച്ചെ നേരത്തെയുള്ള ഇന്ത്യൻ അയൽക്കാരുടെ ദിനചര്യകൾ കാരണം തന്റെ ഉറക്കം നഷ്ടപ്പെടുന്നുവെന്ന അമേരിക്കൻ യുവാവിന്റെ സോഷ്യൽ മീഡിയ പോസ്റ്റ് വലിയ ചർച്ചകൾക്ക് വഴിവെച്ചിരിക്കുകയാണ് (Indian Neighbors Noise Complaint Texas). ടെക്സസിലെ ഫ്രിസ്കോയിൽ താമസിക്കുന്ന യുവാവാണ് റെഡിറ്റിലൂടെ തന്റെ അയൽക്കാരായ ഇന്ത്യൻ കുടുംബത്തിനെതിരെ പരാതിയുമായി രംഗത്തെത്തിയത്. രാത്രി ഷിഫ്റ്റിൽ ജോലി ചെയ്യുന്ന താൻ പുലർച്ചെ 3 മണിക്ക് ഉറങ്ങാൻ കിടക്കുമ്പോൾ, 5 മണിക്ക് അയൽപക്കത്തെ ഇന്ത്യൻ കുടുംബം ഉണരുമെന്ന് യുവാവ് പറയുന്നു. മുറ്റം കഴുകുന്നതും അടിച്ചുവാരുന്നതും വലിയ ശബ്ദത്തിൽ സംസാരിക്കുന്നതും തന്റെ ഉറക്കം കെടുത്തുന്നുവെന്നാണ് ഇദ്ദേഹത്തിന്റെ ആക്ഷേപം.
മുറ്റം കഴുകിയ ശേഷം 20-30 മിനിറ്റ് നേരം ചോക്ക് കഷ്ണങ്ങൾ ഉപയോഗിച്ച് വലിയ പാറ്റേണുകൾ (കോലം/രംഗോലി) ഇവർ വരയ്ക്കാറുണ്ടെന്നും ഇത് എല്ലാ ദിവസവും ആവർത്തിക്കുന്നുണ്ടെന്നും യുവാവ് കുറിപ്പിൽ പറയുന്നു. ഇക്കാര്യം സംസാരിച്ചപ്പോൾ “ഇതാണ് ഞങ്ങളുടെ രീതി” എന്ന ലളിതമായ മറുപടിയാണ് അവർ നൽകിയതെന്നും അദ്ദേഹം ആരോപിച്ചു. പോസ്റ്റ് വൈറലായതോടെ വലിയ രീതിയിലുള്ള ചർച്ചകളാണ് നടക്കുന്നത്. പ്രാദേശിക നിയമങ്ങൾ അനുസരിച്ച് രാവിലെ 7 മണിക്ക് മുൻപ് വലിയ ശബ്ദമുണ്ടാക്കുന്നത് ശരിയല്ലെന്നും അയൽവാസികളുടെ സ്വകാര്യതയെ മാനിക്കണമെന്നും ഒരു വിഭാഗം വാദിക്കുന്നു. വിദേശ രാജ്യങ്ങളിൽ താമസിക്കുമ്പോൾ അവിടുത്തെ രീതികളുമായി പൊരുത്തപ്പെടണമെന്നും ശബ്ദമുണ്ടാക്കുന്നത് ഒഴിവാക്കണമെന്നും ചില ഇന്ത്യൻ പ്രവാസികളും അഭിപ്രായപ്പെട്ടു.
Indian neighbors are making American lose his mind in Frisco, Texas pic.twitter.com/Og9rh8pQSd
— CyberGreen09 (@CyberGreen09) April 20, 2026
അതേസമയം, ഈ കഥ വ്യാജമാണെന്ന് കരുതുന്നവരും കുറവല്ല. എല്ലാ ദിവസവും പുലർച്ചെ എഴുന്നേറ്റ് ഇത്രയധികം ആളുകൾ സംസാരിക്കുകയും മുറ്റം കഴുകി കോലം വരയ്ക്കുകയും ചെയ്യുന്നത് വിശ്വസിക്കാനാവില്ലെന്നാണ് ഇവരുടെ പക്ഷം. സംസ്കാരങ്ങൾ തമ്മിലുള്ള വ്യത്യാസവും അയൽപക്ക ബന്ധങ്ങളിലെ മര്യാദകളും മുൻനിർത്തി വലിയൊരു സംവാദത്തിനാണ് ഈ പോസ്റ്റ് തുടക്കമിട്ടിരിക്കുന്നത്.
Summary: A Reddit post by a Texas man complaining about his loud Indian neighbors has sparked an intense cultural debate online. The resident, who works night shifts, claimed that every morning at 5 AM, the family next door begins loudly washing their driveway and drawing intricate chalk patterns (Rangoli), disturbing his sleep. While some users urged the neighbors to respect local noise ordinances (which often start at 7 AM in the US), others questioned the authenticity of the story, doubting if a family would perform such rituals daily in a suburban US setting.
