ഓക്ലൻഡ്: ലോകപ്രശസ്ത ആർട്ടിഫിഷ്യൽ ഇന്റലിജൻസ് സ്റ്റാർട്ടപ്പായ ഓപ്പൺ എഐയെ ലാഭേച്ഛയോടെ പ്രവർത്തിക്കുന്ന കമ്പനിയാക്കി മാറ്റാൻ ഇലോൺ മസ്ക് ആഗ്രഹിച്ചിരുന്നുവെന്നും, ഇതിന്റെ പൂർണ്ണ നിയന്ത്രണം അദ്ദേഹം ആവശ്യപ്പെട്ടത് ചൊവ്വയിലെ കോളനിവൽക്കരണത്തിന് പണം കണ്ടെത്താനാണെന്നും ഓപ്പൺ എഐ പ്രസിഡന്റ് ഗ്രെഗ് ബ്രോക്ക്മാൻ (Elon Musk OpenAI lawsuit trial). സാൻ ഫ്രാൻസിസ്കോയിലെ കോടതിയിൽ മൊഴി നൽകുകയായിരുന്നു അദ്ദേഹം.
ചാറ്റ് ജിപിടിയുടെ സ്രഷ്ടാക്കളായ ഓപ്പൺ എഐക്കെതിരെ മസ്ക് നൽകിയ കേസിലെ രണ്ടാം വാരത്തിലെ വിചാരണയിലാണ് ഈ വെളിപ്പെടുത്തൽ. ലാഭേച്ഛയില്ലാതെ പ്രവർത്തിക്കുന്ന സ്ഥാപനമായി തുടങ്ങിയ ഓപ്പൺ എഐ, ലാഭം ലക്ഷ്യമിടുന്ന കമ്പനിയായി മാറിയത് തന്നെ വഞ്ചിച്ചാണെന്നാണ് മസ്കിന്റെ ആരോപണം.
ബ്രോക്ക്മാന്റെ മൊഴിയിലെ പ്രധാന വിവരങ്ങൾ
2017-ൽ നടന്ന ഒരു കൂടിക്കാഴ്ചയിൽ, ചൊവ്വയിൽ ഒരു സ്വയംപര്യാപ്തമായ നഗരം നിർമ്മിക്കാൻ തനിക്ക് 80 ബില്യൺ ഡോളർ വേണമെന്ന് മസ്ക് പറഞ്ഞതായി ബ്രോക്ക്മാൻ വെളിപ്പെടുത്തി. ഇതിനായി ഓപ്പൺ എഐയുടെ ഭൂരിഭാഗം ഓഹരികളും നിയന്ത്രണവും അദ്ദേഹം ആവശ്യപ്പെട്ടു. ഓപ്പൺ എഐയുടെ ഓഹരി ഘടനയുമായി ബന്ധപ്പെട്ട തർക്കത്തെത്തുടർന്ന് മസ്ക് രോഷാകുലനായി. മുൻ ചീഫ് സയന്റിസ്റ്റ് ഇല്യ സുറ്റ്സ്കേവർ മസ്കിന് സമ്മാനമായി നൽകാൻ വരച്ച ടെസ്ല കാറിന്റെ ചിത്രം വരെ തട്ടിയെടുത്താണ് അദ്ദേഹം അന്ന് മീറ്റിംഗിൽ നിന്ന് ഇറങ്ങിപ്പോയതെന്ന് ബ്രോക്ക്മാൻ മൊഴി നൽകി.
സാലാഭേച്ഛയില്ലാത്ത സ്ഥാപനമായി തുടർന്നാൽ എഐ മോഡലുകൾ വികസിപ്പിക്കാൻ ആവശ്യമായ കോടിക്കണക്കിന് ഡോളർ സമാഹരിക്കാൻ കഴിയില്ലെന്ന് മസ്ക് തന്നെ വാദിച്ചിരുന്നുവെന്നും ബ്രോക്ക്മാൻ ചൂണ്ടിക്കാട്ടി. താൻ നൽകിയ 38 മില്യൺ ഡോളർ ദുരുപയോഗം ചെയ്തുവെന്ന് ആരോപിച്ച് 150 ബില്യൺ ഡോളർ നഷ്ടപരിഹാരമാണ് മസ്ക് ആവശ്യപ്പെടുന്നത്.
ഓപ്പൺ എഐ ഈ വർഷം ഓഹരി വിപണിയിൽ (IPO) ഇറങ്ങാൻ തയ്യാറെടുക്കുകയാണ്. ഏകദേശം 1 ട്രില്യൺ ഡോളർ മൂല്യമാണ് കമ്പനിക്ക് പ്രതീക്ഷിക്കുന്നത്. ഇതിനിടെ മസ്കിന്റെ ഉടമസ്ഥതയിലുള്ള സ്പേസ് എക്സും ഈ വർഷം ഐപിഒയിലേക്ക് നീങ്ങിയേക്കാം. ചൊവ്വയിൽ 10 ലക്ഷം ആളുകളുള്ള കോളനി സ്ഥാപിച്ചാൽ മസ്കിന് വൻതോതിലുള്ള ഓഹരി പാരിതോഷികങ്ങൾ സ്പേസ് എക്സ് ബോർഡ് വാഗ്ദാനം ചെയ്തിട്ടുണ്ട്.
Summary: OpenAI President Greg Brockman testified in court that Elon Musk wanted full control of the AI startup to fund his $80 billion plan for colonizing Mars. Brockman detailed a 2017 meeting where Musk demanded a majority stake, citing his business experience. The trial continues as Musk seeks $150 billion in damages, alleging that OpenAI abandoned its original non-profit mission.
