Follow on Google News
കുവൈത്ത് സിറ്റി: മേഖലയിൽ വെടിനിർത്തൽ പ്രഖ്യാപനം നിലവിലുണ്ടെങ്കിലും കുവൈത്തിന്റെ സുരക്ഷ ഉറപ്പാക്കുന്നതിൽ ബ്രിട്ടന്റെ പിന്തുണയും സഹകരണവും ഉറച്ച നിലയിൽ തുടരുമെന്ന് കുവൈത്തിലെ ബ്രിട്ടീഷ് അംബാസഡർ കുദ്സി റഷീദ് വ്യക്തമാക്കി. ബ്രിട്ടീഷ് എംബസിയുടെ സോഷ്യൽ മീഡിയ അക്കൗണ്ടിലൂടെയാണ് അദ്ദേഹം ഇക്കാര്യം അറിയിച്ചത്.(British support for Kuwait’s security will continue, says British Ambassador)
കുവൈത്തിന്റെ വ്യോമ പ്രതിരോധ ശേഷി വർദ്ധിപ്പിക്കുന്നതിന്റെ ഭാഗമായി ‘റാപ്പിഡ് സെൻട്രി’ സംവിധാനം വിന്യസിക്കുന്നതിന് പിന്തുണ നൽകുന്ന ബ്രിട്ടീഷ് റോയൽ എയർ ഫോഴ്സ് സംഘത്തെ കഴിഞ്ഞ ആഴ്ച എംബസിയിൽ സ്വീകരിച്ചതായി അംബാസഡർ പറഞ്ഞു. ഡ്രോൺ ഭീഷണികളെ ഫലപ്രദമായി പ്രതിരോധിക്കുക എന്നതാണ് ഈ സംവിധാനത്തിന്റെ പ്രധാന ലക്ഷ്യം.
കുവൈത്ത് സേനയുമായി ചേർന്ന് നടത്തുന്ന പ്രവർത്തനങ്ങളും ഇരുരാജ്യങ്ങളും തമ്മിലുള്ള പ്രതിരോധ ഏകോപനവും സംബന്ധിച്ച കാര്യങ്ങൾ ബ്രിട്ടീഷ് പ്രതിരോധ അറ്റാഷെ കർണൽ നീൽ മാരിയറ്റിന്റെ സാന്നിധ്യത്തിൽ നടന്ന യോഗത്തിൽ ചർച്ച ചെയ്തു.
