Follow on Google News
കൊച്ചി: സോഷ്യൽ മീഡിയയിൽ ഏറെ ചർച്ച ചെയ്യപ്പെടുന്ന ‘പർപ്പിൾ ഹാൽസിയൻ’ എന്ന ഇൻസ്റ്റാഗ്രാം പേജിന്റെ ഉടമ അശ്വിനി തന്റെ നിലപാടുകൾ വ്യക്തമാക്കുന്നു (Purple Halcyon Ashwani). സബ്സ്ക്രിപ്ഷൻ ഫീച്ചറിലൂടെ മികച്ച വരുമാനം നേടാൻ സാധിച്ചതിനെക്കുറിച്ചും, തന്റെ അക്കൗണ്ട് നേരിട്ട നിയമനടപടികളെക്കുറിച്ചും അവർ പ്രതികരിച്ചു.
സോഷ്യൽ മീഡിയയിലൂടെയുള്ള വരുമാനം പെട്ടെന്നുണ്ടായ ഒന്നല്ലെന്നും മണിക്കൂറുകളോളം നീണ്ട അധ്വാനത്തിന്റെ ഫലമാണെന്നും അശ്വിനി പറയുന്നു. സ്ത്രീകൾക്ക് മാത്രമല്ല, കഴിവ് പ്രദർശിപ്പിക്കാൻ താല്പര്യമുള്ള ഏതൊരാൾക്കും സബ്സ്ക്രിപ്ഷൻ വഴി വരുമാനം നേടാനാകും.ശാരീരിക സൗന്ദര്യത്തേക്കാൾ ആത്മവിശ്വാസമാണ് ഈ മേഖലയിൽ ഒരാളെ മുന്നിലെത്തിക്കുന്നത്.
‘പർപ്പിൾ ഹാൽസിയൻ’ എന്ന പേര് തന്റെ വ്യക്തിപരമായ താല്പര്യങ്ങളിൽ നിന്നാണ് വന്നത്. പർപ്പിൾ നിറത്തോടുള്ള ഇഷ്ടവും പ്രണയവുമാണ് ഇതിന് പിന്നിൽ. മാധവിക്കുട്ടിയുടെ എഴുത്തുകളെയും വ്യക്തിത്വത്തെയും താൻ ഏറെ ഇഷ്ടപ്പെടുന്നുവെന്നും തന്റെ നിലപാടുകൾ തുറന്നുപറയാൻ മടിക്കാറില്ലെന്നും അശ്വിനി വ്യക്തമാക്കി.
അടുത്തിടെ തന്റെ അക്കൗണ്ട് റദ്ദാക്കപ്പെട്ട സംഭവത്തിലും അശ്വിനി മറുപടി നൽകി. സൈന്യവുമായി ബന്ധപ്പെട്ട് വിനോദത്തിനായി ചെയ്ത ഒരു പഴയ വീഡിയോ തെറ്റായ രീതിയിൽ വ്യാഖ്യാനിക്കപ്പെട്ടതാണ് വിവാദങ്ങൾക്ക് കാരണമായത്. തന്റെ ഭാഗത്തുനിന്ന് തെറ്റുകൾ സംഭവിച്ചിട്ടുണ്ടെങ്കിൽ അത് അംഗീകരിക്കാനും തിരുത്താനും തയ്യാറാണ്. എന്നാൽ വീഡിയോകൾ കേവലം വിനോദത്തിനായി ആസൂത്രണം ചെയ്ത് നിർമ്മിക്കുന്നതാണെന്നും അവയെ വ്യക്തിജീവിതവുമായി കൂട്ടിപ്പിണയ്ക്കരുതെന്നും അവർ ഓർമ്മിപ്പിച്ചു.
Story Summary:
Ashwini, the creator of the popular Instagram page ‘Purple Halcyon’, shared insights into her social media journey and recent controversies. She highlighted how Meta’s subscription feature helped her generate significant income through hard work and confidence. Addressing the suspension of her account, she explained that an old video related to the military was misinterpreted by some. Ashwini emphasized that her content is planned for entertainment and should not be confused with her personal life, while also expressing her readiness to correct any mistakes.
