ബെർലിൻ: ലോകപ്രശസ്ത ഡിജിറ്റൽ കലാകാരൻ ബീപ്പിളിന്റെ (മൈക്ക് വിൻകെൽമാൻ) ഏറ്റവും പുതിയ ഇൻസ്റ്റലേഷൻ ആധുനിക കലാലോകത്ത് വലിയ ചർച്ചയാകുന്നു. ഇലോൺ മസ്ക്, മാർക്ക് സക്കർബർഗ്, ജെഫ് ബെസോസ് തുടങ്ങിയ പ്രമുഖരുടെ തലയുള്ള റോബോട്ട് നായ്ക്കളാണ് ബെർലിനിലെ ‘ന്യൂ നാഷണൽ ഗാലറി’യിൽ (Neue Nationalgalerie) കാഴ്ചക്കാരെ അത്ഭുതപ്പെടുത്തുന്നത് (Beeple Regular Animals Berlin Exhibit).
ചൊവ്വാഴ്ച (2026 ഏപ്രിൽ 28) ആരംഭിച്ച ഈ പ്രദർശനത്തിൽ പ്രമുഖ വ്യക്തികളുടെ ഹൈപ്പർ റിയലിസ്റ്റിക് സിലിക്കൺ തലകൾ ഘടിപ്പിച്ച റോബോട്ട് നായ്ക്കൾ മ്യൂസിയത്തിലൂടെ സ്വതന്ത്രമായി സഞ്ചരിക്കുന്നു. ഇലോൺ മസ്ക്, മാർക്ക് സക്കർബർഗ്, ജെഫ് ബെസോസ് എന്നിവർക്ക് പുറമെ ഉത്തരകൊറിയൻ ഭരണാധികാരി കിം ജോങ് ഉൻ, വിഖ്യാത കലാകാരന്മാരായ പാബ്ലോ പിക്കാസോ, ആൻഡി വാർഹോൾ എന്നിവരുടെ രൂപങ്ങളും റോബോട്ടുകൾക്കായി ഉപയോഗിച്ചിട്ടുണ്ട്. ആർട്ടിസ്റ്റ് ബീപ്പിളിന്റെ സ്വന്തം രൂപത്തിലുള്ള ഒരു റോബോട്ടും ഈക്കൂട്ടത്തിലുണ്ട്. സാങ്കേതികവിദ്യയും അധികാരവും മനുഷ്യന്റെ വ്യക്തിത്വത്തെ എങ്ങനെ സ്വാധീനിക്കുന്നു എന്നതിന്റെ പ്രതീകാത്മകമായ ആവിഷ്കാരമായാണ് ബീപ്പിൾ ഈ ഇൻസ്റ്റലേഷനെ വിശേഷിപ്പിക്കുന്നത്. ബോസ്റ്റൺ ഡൈനാമിക്സ് ശൈലിയിലുള്ള റോബോട്ട് നായ്ക്കളാണ് ഇതിനായി ഉപയോഗിച്ചിരിക്കുന്നത്.
നേരത്തെ തന്റെ ഒരു ഡിജിറ്റൽ കലാസൃഷ്ടി 69 ദശലക്ഷം ഡോളറിന് വിറ്റഴിച്ച് റെക്കോർഡ് സൃഷ്ടിച്ച കലാകാരനാണ് ബീപ്പിൾ. ഡിജിറ്റൽ ലോകത്തെ അതികായന്മാരായ മസ്കിനെയും സക്കർബർഗിനെയും ഇത്തരം രൂപങ്ങളിൽ അവതരിപ്പിച്ചത് സോഷ്യൽ മീഡിയയിലും വലിയ ചർച്ചകൾക്ക് വഴിവെച്ചിട്ടുണ്ട്.
Summary: American artist Beeple (Mike Winkelmann) has launched a provocative new exhibit titled “Regular Animals” at Berlin’s Neue Nationalgalerie. The installation features interactive robot dogs with hyper-realistic silicone heads of famous figures like Elon Musk, Mark Zuckerberg, Jeff Bezos, and Kim Jong Un roaming the museum. The artwork explores themes of technology, power, and celebrity culture, marking another bold move by the digital art pioneer.
