ടെഹ്റാൻ: ഇറാൻ മുൻ പരമോന്നത നേതാവ് അയത്തൊള്ള അലി ഖമനേയിയുടെ ടെഹ്റാനിലെ വസതിക്കും കോമ്പൗണ്ടിനും നേരെയുണ്ടായ ആക്രമണത്തിന്റെ ദൃശ്യങ്ങൾ ഇറാൻ ആദ്യമായി പുറത്തുവിട്ടു (Ali Khamenei Damaged Compound). ഖമനേയിയുടെ സംസ്കാര ചടങ്ങുകൾ നടക്കുന്ന ദിവസമാണ് വസതിയിലെ നാശനഷ്ടങ്ങൾ വ്യക്തമാക്കുന്ന വീഡിയോ പുറത്തുവിട്ടത്. ഫെബ്രുവരി 28-ന് നടന്ന യുഎസ്-ഇസ്രായേൽ വ്യോമാക്രമണത്തിൽ ഖമനേയിയും കുടുംബാംഗങ്ങളും കൊല്ലപ്പെട്ടുവെന്നാണ് ഔദ്യോഗിക റിപ്പോർട്ട്.
ഇമാം ഖൊമേനി ഹുസൈനിയയിലെ ദൃശ്യങ്ങളാണ് വീഡിയോയിലുള്ളത്. സഭയുടെ സുപ്രധാന മീറ്റിംഗുകളും പ്രഭാഷണങ്ങളും നടത്തിയിരുന്ന ഈ ഹാൾ ആക്രമണത്തിൽ പൂർണ്ണമായും തകർന്നിരിക്കുകയാണ്. കെട്ടിടത്തിന്റെ ഘടനകൾ തകരുകയും വലിയ അവശിഷ്ടങ്ങൾ കൂട്ടിയിട്ടിരിക്കുന്നതുമായ ദൃശ്യങ്ങൾ വീഡിയോയിൽ കാണാം. ഖമനേയിയുടെ മകൻ മൊജ്തബ അലി ഖമനേയി ആക്രമണത്തിൽ പരിക്കേറ്റിരുന്നു.
🎥 انتشار تصاویر دیدهنشده از حسینیهٔ امام خمینی در بیت رهبری پساز حملات ناجوانمردانه آمریکا pic.twitter.com/wAtiRzxjZ2
— خبرگزاری فارس (@FarsNews_Agency) July 8, 2026
വിവിധ നഗരങ്ങളിലായി ഒരാഴ്ച നീണ്ടുനിന്ന വിലാപയാത്രയ്ക്ക് ശേഷം ഇന്ന് ഖമനേയിയുടെ ജന്മനാടായ മഷാദിൽ വെച്ചാണ് സംസ്കാര ചടങ്ങുകൾ നടക്കുന്നത്. അതേസമയം, ഇറാനുമായുള്ള വെടിനിർത്തൽ കരാർ അവസാനിച്ചതായി പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചതോടെ മേഖലയിൽ വീണ്ടും യുദ്ധഭീതി പടരുകയാണ്. ഹോർമുസ് കടലിടുക്കിലെ കപ്പൽ ആക്രമണങ്ങൾക്ക് മറുപടിയായി യുഎസ് സൈന്യം ഇറാനിയൻ സൈനിക കേന്ദ്രങ്ങൾക്ക് നേരെ വീണ്ടും ആക്രമണം നടത്തി. ഇതിന് മറുപടിയായി ബഹ്റൈനിലെയും കുവൈറ്റിലെയും യുഎസ് സൈനിക കേന്ദ്രങ്ങൾക്കുനേരെ ഇറാനും ആക്രമണം നടത്തി. സമാധാന ചർച്ചകൾ പരാജയപ്പെട്ടതോടെ മേഖലയിലെ സംഘർഷം കൂടുതൽ വഷളാവുകയാണ്.
Summary: Iranian state media has released the first footage of the late Supreme Leader Ali Khamenei’s damaged compound in Tehran, showing the total destruction caused by the February 28 U.S.-Israeli airstrike that killed him and his family. The release coincides with Khamenei’s final burial in Mashhad, as regional hostilities escalate following Donald Trump’s declaration that the interim ceasefire is “over” and subsequent cross-border military strikes between U.S. and Iranian forces.
