തമിഴ്നാട് മുഖ്യമന്ത്രിയും നടനുമായ വിജയ്യുടെ 52-ാം ജന്മദിനത്തിൽ ആശംസകൾ നേരാതിരുന്നതും, ഇൻസ്റ്റാഗ്രാമിൽ അൺഫോളോ ചെയ്തുവെന്നുമുള്ള അഭ്യൂഹങ്ങൾക്ക് മറുപടിയുമായി നടി തൃഷ രംഗത്ത് (Trisha Vijay Birthday Wishes). സോഷ്യൽ മീഡിയയിൽ ഉയർന്നു വന്ന വിവാദങ്ങൾക്കും പ്രണയ ഗോസിപ്പുകൾക്കും വിരാമമിട്ടുകൊണ്ട്, വിജയ്ക്കൊപ്പമുള്ള ജന്മദിന ആഘോഷത്തിന്റെ ചിത്രം തൃഷ പങ്കുവെച്ചു. “എല്ലാത്തിനും മൂല്യമുണ്ടാക്കുന്ന ആ വ്യക്തിക്ക് പിറന്നാൾ ആശംസകൾ” എന്ന് കുറിച്ചുകൊണ്ടാണ് തൃഷ ചിത്രം പങ്കുവെച്ചത്. മണിക്കൂറുകൾക്കുള്ളിൽ തന്നെ ലക്ഷക്കണക്കിന് ലൈക്കുകളാണ് ഈ പോസ്റ്റിന് ലഭിച്ചത്.
വിജയ്യുടെ ഭാര്യ സംഗീത വിവാഹമോചന ഹർജി നൽകിയതിന് പിന്നാലെയാണ് തൃഷയും വിജയ്യും പ്രണയത്തിലാണെന്ന തരത്തിലുള്ള അഭ്യൂഹങ്ങൾ ശക്തമായത്. വിജയ് മുഖ്യമന്ത്രിയായി സത്യപ്രതിജ്ഞ ചെയ്ത ചടങ്ങിലും മറ്റ് പൊതുവേദികളിലും ഇരുവരും ഒരുമിച്ച് പ്രത്യക്ഷപ്പെട്ടത് ഈ ചർച്ചകൾക്ക് ആക്കം കൂട്ടിയിരുന്നു. എന്നാൽ, ഇത്തരം വാർത്തകളോട് ഇരുവരും ഇതുവരെ ഔദ്യോഗികമായി പ്രതികരിച്ചിട്ടില്ല. അതേസമയം, സെൻസർ പ്രതിസന്ധിയെത്തുടർന്ന് മുടങ്ങിയ വിജയ്യുടെ പുതിയ ചിത്രം ‘ജനനായകൻ’ പിറന്നാൾ ദിനത്തിൽ റിലീസ് ചെയ്യുമെന്ന് ആരാധകർ പ്രതീക്ഷിച്ചിരുന്നുവെങ്കിലും അത് നടന്നില്ല. ഏതായാലും, തൃഷയുടെ ഈ സോഷ്യൽ മീഡിയ പോസ്റ്റ് ആരാധകർക്കിടയിലെ എല്ലാ ആശങ്കകളും ദൂരീകരിച്ചിരിക്കുകയാണ്.
Summary: Putting an end to the swirling rumors of a rift, actress Trisha Krishnan has officially wished Chief Minister Vijay on his 52nd birthday by sharing a photo of their celebration on social media. Speculation about their relationship and a possible fallout had dominated headlines after Trisha was noticeably absent from birthday wishes and rumored to have unfollowed Vijay on Instagram.
