കൊച്ചി: ക്രൂരമായ പീഡനദൃശ്യങ്ങൾ കാട്ടി ഭീഷണിപ്പെടുത്തി യുവതിയെ മാരകമായ രാസലഹരി കുത്തിവെച്ച് വീണ്ടും കൂട്ടബലാത്സംഗത്തിനിരയാക്കിയ കേസിൽ കുപ്രസിദ്ധ ഗുണ്ടാനേതാവും കൂട്ടാളിയും റിമാൻഡിൽ (Gangster Attani Aneesh arrest Ernakulam). മട്ടാഞ്ചേരി പുതിയറോഡ് കൊച്ചുപറമ്പിൽ വീട്ടിൽ അട്ടാണി അനീഷ് (43), ഇയാളുടെ പ്രധാന കൂട്ടാളിയായ കൊല്ലം മയ്യനാട് സ്വദേശി ഫിറോസ്ഖാൻ (23) എന്നിവരെയാണ് എറണാകുളം നോർത്ത് പോലീസ് അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്തത്. നിരവധി ക്രിമിനൽ കേസുകളിൽ പ്രതിയായ അട്ടാണി അനീഷ് കൊച്ചി കേന്ദ്രീകരിച്ച് ക്വട്ടേഷൻ-ഗുണ്ടാ പ്രവർത്തനങ്ങൾ നടത്തുന്ന സംഘത്തലവനാണ്.
കേസിനാസ്പദമായ സംഭവം മൂന്ന് മാസം മുൻപാണ് ആരംഭിക്കുന്നത്. പ്രതിയായ അട്ടാണി അനീഷ് യുവതിയെ പലവിധത്തിൽ പ്രലോഭിപ്പിച്ച് മട്ടാഞ്ചേരിയിലുള്ള തന്റെ രഹസ്യ താവളത്തിലെത്തിച്ച് ക്രൂരമായി പീഡിപ്പിക്കുകയായിരുന്നു. ഈ പീഡന ദൃശ്യങ്ങൾ ഇയാൾ മൊബൈൽ ഫോണിൽ രഹസ്യമായി പകർത്തി വെക്കുകയും, പിന്നീട് ഈ ദൃശ്യങ്ങൾ തന്റെ കൂട്ടാളിയായ ഫിറോസ്ഖാന് കൈമാറുകയും ചെയ്തു. കഴിഞ്ഞ ഞായറാഴ്ച കലൂർ ജെ.എൽ.എൻ (JLN) സ്റ്റേഡിയത്തിന് സമീപമുള്ള കടയിൽ യുവതി ചായ കുടിക്കാനായി എത്തിയപ്പോൾ ഫിറോസ്ഖാൻ അവിടെയെത്തി യുവതിയെ തടഞ്ഞുനിർത്തി. തുടർന്ന് തന്റെ കൈവശമുള്ള പഴയ പീഡനദൃശ്യങ്ങൾ കാണിച്ച് സമൂഹമാധ്യമങ്ങളിലൂടെ പ്രചരിപ്പിക്കുമെന്ന് പറഞ്ഞ് കടുത്ത ഭാഷയിൽ ഭീഷണിപ്പെടുത്തി.
ഭയന്നുപോയ യുവതിയെ ഫിറോസ്ഖാൻ ബലമായി എറണാകുളം എസ്.ആർ.എം (SRM) റോഡിലുള്ള ഒരു ലോഡ്ജ് മുറിയിലെത്തിക്കുകയായിരുന്നു. അവിടെ വെച്ച് യുവതിക്ക് മാരകമായ എം.ഡി.എം.എ (MDMA) എന്ന രാസലഹരി നിർബന്ധപൂർവ്വം ശരീരത്തിൽ കുത്തിവെച്ച ശേഷമാണ് പ്രതി ക്രൂരമായ ബലാത്സംഗത്തിന് ഇരയാക്കിയത്. ലഹരിയുടെ സ്വാധീനത്തിൽ അബോധാവസ്ഥയിലായ യുവതി കഴിഞ്ഞ 22-ാം തീയതി പുലർച്ചെയാണ് ലോഡ്ജ് മുറിയിൽ നിന്നും പ്രതികളുടെ കണ്ണ് വെട്ടിച്ച് അതീവ രക്ഷപ്പെട്ടത്.
തുടർന്ന് വഴിയിൽ വെച്ച് തനിക്ക് മുൻപ് പരിചയമുള്ള ഒരു സെക്യൂരിറ്റി ജീവനക്കാരനെ കണ്ട് യുവതി വിവരം അറിയിക്കുകയും, ഇയാൾ ഉടൻ തന്നെ യുവതിയെ എറണാകുളം ജനറൽ ആശുപത്രിയിൽ എത്തിക്കുകയുമായിരുന്നു. യുവതിയെ പരിശോധിച്ച ഡ്യൂട്ടി ഡോക്ടർ ക്രൂരമായ ലൈംഗികാതിക്രമം നടന്നതായി സ്ഥിരീകരിക്കുകയും വിവരം പോലീസിനെ അറിയിക്കുകയുമായിരുന്നു. തുടർന്ന് നോർത്ത് പോലീസ് ആശുപത്രിയിലെത്തി യുവതിയുടെ വിശദമായ മൊഴി രേഖപ്പെടുത്തി. തുടർന്ന് നടത്തിയ മിന്നൽ പരിശോധനയിലാണ് ഒളിവിൽ പോകാൻ ശ്രമിച്ച അട്ടാണി അനീഷിനെയും ഫിറോസ്ഖാനെയും പോലീസ് അതിവേഗം വലയിലാക്കിയത്. പ്രതികൾക്കെതിരെ കൂട്ടബലാത്സംഗം, ഭീഷണിപ്പെടുത്തൽ, മാരകമായ ലഹരിമരുന്ന് നൽകൽ (NDPS Act) തുടങ്ങിയ കടുത്ത വകുപ്പുകൾ പ്രകാരമാണ് കേസെടുത്തിരിക്കുന്നത്.
Story Summary: Notorious gangster Attani Aneesh (43) and his accomplice Firoz Khan (23) were remanded in custody for blackmailing and repeatedly raping a woman in Kochi. Aneesh initially assaulted the woman three months ago at his house in Mattancherry and recorded the act, later sharing the video with Firoz Khan. Last Sunday, Firoz intercepted the woman near JLN Stadium, threatened to leak the video, and dragged her to a lodge on SRM Road. He then forcibly injected MDMA into her and raped her. The victim escaped on June 22 and reached Ernakulam General Hospital with the help of a security guard, following which Ernakulam North Police arrested both suspects.
