സിഡ്നി: ഓസ്ട്രേലിയൻ ടെസ്റ്റ്-ഏകദിന ടീം നായകൻ പാറ്റ് കമ്മിൻസിനെ ചരിത്രത്തിലെ തന്നെ ഏറ്റവും വലിയ കരാറുകളിൽ ഒന്നിലൂടെ സ്വന്തം ടീമിൽ നിലനിർത്താൻ ക്രിക്കറ്റ് ഓസ്ട്രേലിയ (Pat Cummins contract Cricket Australia). മൂന്ന് വർഷത്തേക്ക് പ്രതിവർഷം 4 ദശലക്ഷം ഡോളർ വീതം ലഭിക്കുന്ന വമ്പൻ കരാറാണ് കമ്മിൻസിന് മുന്നിലുള്ളത്. ഇതോടെ താരത്തിന് ലഭിക്കുന്ന ആകെ വരുമാനം ഏകദേശം 113 കോടി ഇന്ത്യൻ രൂപയായി മാറും. ടെസ്റ്റ് ക്രിക്കറ്റിന് മുൻഗണന നൽകുന്നതിനും ദേശീയ ടീമിനായുള്ള കമ്മിൻസിന്റെ ലഭ്യത ഉറപ്പുവരുത്തുന്നതിനുമാണ് ക്രിക്കറ്റ് ഓസ്ട്രേലിയ ഈ സാമ്പത്തിക സുരക്ഷ വാഗ്ദാനം ചെയ്യുന്നത്.
ദേശീയ ടീമിനായുള്ള കളി അവസാനിപ്പിച്ച് ആഗോള ടി20 ലീഗുകളിൽ സജീവമാകാൻ ഒരു ഐപിഎൽ ഫ്രാഞ്ചൈസി കമ്മിൻസിന് 10 ദശലക്ഷം ഓസ്ട്രേലിയൻ ഡോളറിന്റെ (ഏകദേശം 6.6 ദശലക്ഷം യുഎസ് ഡോളർ) കരാർ നൽകിയതായി റിപ്പോർട്ടുകളുണ്ടായിരുന്നു. ഈ ഭീഷണി നിലനിൽക്കെയാണ് ഓസ്ട്രേലിയൻ ക്രിക്കറ്റ് ബോർഡ് അടിയന്തരമായി ഇടപെട്ടത്. കമ്മിൻസിനെപ്പോലെയുള്ള മൾട്ടി-ഫോർമാറ്റ് താരങ്ങളെ ദേശീയ ടീമിൽ തന്നെ നിലനിർത്തുന്നത് തങ്ങളുടെ മുൻഗണനയാണെന്ന് സിഎ ഹെഡ് ഓഫ് ക്രിക്കറ്റ് ജെയിംസ് അൽസോപ്പ് വ്യക്തമാക്കി.
നിലവിൽ ഐപിഎൽ 2026-ൽ സൺറൈസേഴ്സ് ഹൈദരാബാദിന്റെ നായകനായ കമ്മിൻസ് മികച്ച ഫോമിലാണ്. കഴിഞ്ഞ ദിവസം പഞ്ചാബ് കിങ്സിനെതിരായ മത്സരത്തിൽ മികച്ച ബൗളിംഗ് പ്രകടനത്തോടെ പ്ലെയർ ഓഫ് ദി മാച്ച് പുരസ്കാരവും അദ്ദേഹം നേടിയിരുന്നു. മത്സരങ്ങൾ കളിക്കുന്നതിന്റെ എണ്ണത്തിന് അനുസരിച്ചായിരിക്കില്ല കമ്മിൻസിന് ഈ വലിയ തുക നൽകുക എന്നാണ് സിഡ്നി മോണിംഗ് ഹെറാൾഡ് റിപ്പോർട്ട് ചെയ്യുന്നത്.
Summary: Cricket Australia has reportedly offered a record-breaking long-term contract worth USD 12 million (approx. ₹113 crore) to Pat Cummins to ensure his commitment to the national team. The move comes amid reports of an IPL franchise offering him a massive AUD 10 million deal to quit international cricket and play exclusively for T20 leagues. CA prioritizes keeping multi-format stars like Cummins focused on Test cricket and international duties.
