ന്യൂയോർക്ക്: കായിക ലോകം ഉറ്റുനോക്കുന്ന 2026 ഫിഫ ലോകകപ്പിന് ആവേശം പകരാൻ സംഗീത റാണി മഡോണയും ലാറ്റിൻ താരം ഷാക്കിറയും കെ-പോപ്പ് വിസ്മയം ബിടിഎസും ഒരുമിച്ചെത്തുന്നു (FIFA World Cup 2026 Halftime Show). ലോകകപ്പ് ചരിത്രത്തിലെ തന്നെ ഏറ്റവും വലിയ കലാപരിപാടിക്കാണ് ഇതോടെ കളമൊരുങ്ങുന്നത്.പോപ്പ് സംഗീതത്തിലെ വ്യത്യസ്ത തലമുറകളെയും ശൈലികളെയും ഒരു വേദിയിൽ എത്തിക്കുന്നു എന്നതാണ് ഈ ഷോയുടെ പ്രത്യേകത. ബിടിഎസ് അംഗങ്ങൾ സൈനിക സേവനത്തിന് ശേഷം ഒന്നിക്കുന്ന പ്രധാന ആഗോള വേദികളിലൊന്ന് കൂടിയാണിത്.
‘വാക്ക വാക്ക’ തുടങ്ങിയ ഗാനങ്ങളിലൂടെ ലോകകപ്പ് വേദികളിലെ സ്ഥിരം സാന്നിധ്യമായ ഷാക്കിറയുടെ സാന്നിധ്യം ആരാധകർക്ക് വലിയ ആവേശമാണ് നൽകുന്നത്.ആദ്യമായാണ് മഡോണ ഒരു ഫിഫ ലോകകപ്പ് വേദിയിൽ പ്രകടനം നടത്തുന്നത്.
അമേരിക്ക, കാനഡ, മെക്സിക്കോ എന്നീ രാജ്യങ്ങളിലായി നടക്കുന്ന ലോകകപ്പിന്റെ ഫൈനൽ മത്സരത്തിനോട് അനുബന്ധിച്ചായിരിക്കും ഈ മെഗാ ഷോ അരങ്ങേറുക.
ഫിഫയും സംഘാടകരും ഈ വാർത്ത സ്ഥിരീകരിച്ചതോടെ ലോകമെമ്പാടുമുള്ള സംഗീത-ഫുട്ബോൾ പ്രേമികൾ വലിയ കാത്തിരിപ്പിലാണ്.
News Summary: The 2026 FIFA World Cup is set to feature a historic halftime show with global icons Madonna, Shakira, and BTS taking the stage together. This marks a significant cultural moment as it brings together different musical eras and genres on one of the world’s biggest sporting platforms. Shakira returns to her iconic World Cup roots, while Madonna makes a rare sporting event appearance. Fans are particularly excited to see BTS back in action following their military service. The performance is expected to be a highlight of the tournament hosted across North America.
