2026 ഫിഫ ലോകകപ്പിന്റെ ആവേശം നിറഞ്ഞ റൗണ്ട് ഓഫ് 32 (Round of 32) മത്സരത്തിൽ ജപ്പാനെതിരെ ഗോൾ മടക്കി ബ്രസീൽ (Brazil vs Japan). ആദ്യ പകുതിയിൽ ഒരു ഗോളിന് പിന്നിലായിപ്പോയ കാനറികൾ രണ്ടാം പകുതിയുടെ തുടക്കത്തിൽ തന്നെ ശക്തമായി തിരിച്ചടിച്ചതോടെ മത്സരം 1-1 എന്ന നിലയിൽ ആവേശകരമായ സമനിലയിൽ തുടരുന്നു.
മത്സരത്തിന്റെ 29-ാം മിനിറ്റിൽ മിഡ്ഫീൽഡർ കൈഷു സാനോയിലൂടെ (Kaishū Sano) ജപ്പാൻ ആദ്യ ഗോൾ നേടി ലീഡ് എടുത്തു.
രണ്ടാം പകുതി ആരംഭിച്ച് അധികം വൈകാതെ, 56-ാം മിനിറ്റിൽ സൂപ്പർ താരം കാസെമിറോ (Casemiro) ബ്രസീലിനായി സമനില ഗോൾ നേടി.
ആദ്യ പകുതിയിൽ ജപ്പാന്റെ കരുത്തുറ്റ പ്രതിരോധത്തിന് മുന്നിൽ പകച്ചുനിന്ന ബ്രസീൽ, രണ്ടാം പകുതിയിൽ ആക്രമണം ശക്തമാക്കിയാണ് കളിയിലേക്ക് തിരിച്ചെത്തിയത്. ഹൂസ്റ്റൺ സ്റ്റേഡിയത്തിൽ പ്രീ-ക്വാർട്ടർ യോഗ്യതയ്ക്കായുള്ള ഇരുടീമുകളുടെയും പോരാട്ടം രണ്ടാം പകുതിയിൽ പുരോഗമിക്കുകയാണ്.
