2026 ഫിഫ ലോകകപ്പിന്റെ പ്രീ-ക്വാർട്ടർ (Round of 32) പോരാട്ടത്തിൽ കരുത്തരായ ബ്രസീലിനെ ഞെട്ടിച്ച് ജപ്പാൻ (Brazil vs Japan). ഹൂസ്റ്റൺ സ്റ്റേഡിയത്തിൽ നടക്കുന്ന മത്സരത്തിന്റെ ആദ്യ പകുതിയിൽ ബ്രസീലിനെതിരെ ജപ്പാൻ ആദ്യ ഗോൾ നേടി ലീഡ് ഉയർത്തിയിരിക്കുകയാണ്. കൈഷു സാനോ ആണ് ജപ്പാന് വേണ്ടി നിർണായക മത്സരത്തിലെ നിർണായക ഗോൾ നേടിയത്. മത്സരത്തിന്റെ 29-ാം മിനിറ്റിലായിരുന്നു കൈഷു ഗോൾവല കുലുക്കിയത്.
മത്സരത്തിന്റെ തുടക്കം മുതൽ പന്ത് കൈവശം വെക്കുന്നതിൽ ബ്രസീൽ ആധിപത്യം പുലർത്തിയെങ്കിലും, ജപ്പാന്റെ ശക്തമായ പ്രതിരോധ കോട്ട തകർക്കാൻ അവർക്കായില്ല. കൗണ്ടർ അറ്റാക്കിലൂടെ മുന്നേറിയ ജപ്പാൻ 29-ാം മിനിറ്റിൽ മിഡ്ഫീൽഡർ കൈഷു സാനോയിലൂടെ ലക്ഷ്യം കാണുകയായിരുന്നു. ബ്രസീലിയൻ ഗോൾകീപ്പർ അലിസൺ ബെക്കറെ മറികടന്നാണ് പന്ത് വലയിലെത്തിയത്.
മത്സരത്തിന്റെ ആദ്യ പകുതിയിലെ കളി മുറുകുമ്പോൾ അഞ്ചുതവണ ലോകചാമ്പ്യന്മാരായ ബ്രസീൽ സമനില ഗോളിനായുള്ള കഠിന ശ്രമത്തിലാണ്.
