ചണ്ഡീഗഡ്: ഒരു വെബ് സീരീസിലെ കഥാപാത്രവുമായി ബന്ധപ്പെട്ട് സ്ത്രീകൾക്കെതിരെ അപകീർത്തികരമായ പരാമർശം നടത്തിയെന്ന കേസിൽ യോഗ്രാജ് സിങ് മുൻകൂർ ജാമ്യാപേക്ഷയുമായി കോടതിയെ സമീപിച്ചു. ചണ്ഡീഗഡ് ജില്ലാ കോടതിയിലാണ് താരം അപേക്ഷ സമർപ്പിച്ചത്. ജാമ്യാപേക്ഷ പരിഗണിച്ച ജില്ലാ സെഷൻസ് കോടതി, കേസിൽ മെയ് 20-നകം മറുപടി നൽകാൻ ചണ്ഡീഗഡ് പോലീസിന് നോട്ടീസ് അയച്ചു.(Yograj Singh anticipatory bail application in Chandigarh court over viral web series row)
അതിനിടെ, യോഗ്രാജ് സിങ്ങിനെതിരെയുള്ള എഫ്.ഐ.ആറിൽ പോലീസ് ഭാരതീയ ന്യായ സംഹിതയിലെ (BNS) സെക്ഷൻ 61(2) എന്ന ശക്തമായ വകുപ്പുകൂടി പുതുതായി കൂട്ടിച്ചേർത്തിട്ടുണ്ട്. സോഷ്യൽ മീഡിയയിൽ വൈറലായ ഒരു വെബ് സീരീസ് ക്ലിപ്പിലെ ഡയലോഗുകളെച്ചൊല്ലിയാണ് താരത്തിനെതിരെ കേസെടുത്തിട്ടുള്ളത്.
തന്റെ അഭിഭാഷകൻ മുഖേന സമർപ്പിച്ച മുൻകൂർ ജാമ്യാപേക്ഷയിൽ യോഗ്രാജ് സിങ് പ്രധാനമായും രണ്ട് വാദങ്ങളാണ് ഉയർത്തിയിട്ടുള്ളത്. ഇപ്പോൾ വിവാദമായിരിക്കുന്ന വീഡിയോ ക്ലിപ്പ് ഒരു ഒ.ടി.ടി പ്ലാറ്റ്ഫോമിൽ പുറത്തിറങ്ങിയ വെബ് സീരീസിലേതാണ്. അതിൽ താൻ ഒരു കഥാപാത്രത്തെ അവതരിപ്പിക്കുക മാത്രമാണ് ചെയ്തത്. വെബ് സീരീസിന്റെ നിർമ്മാണവുമായി ബന്ധപ്പെട്ട് ഒപ്പിട്ട നിയമപരമായ കരാർ വ്യവസ്ഥകൾ പാലിക്കാൻ താൻ ബാധ്യസ്ഥനായിരുന്നു. തനിക്കെതിരെയുള്ള എഫ്.ഐ.ആർ പൂർണ്ണമായും വ്യാജവും നിയമപരമായി നിലനിൽക്കാത്തതുമാണെന്നും ജാമ്യാപേക്ഷയിൽ വ്യക്തമാക്കുന്നു.
Story Summary
Former Indian cricketer and actor Yograj Singh has moved an anticipatory bail plea in the Chandigarh District Court over an FIR registered against his alleged derogatory remarks against women in a web series. While the court issued a notice to the Chandigarh Police for May 20, investigators have added Section 61(2) of the BNS to the case. Singh argued that the viral clip was merely from a scripted character he played under an OTT contract.
