മോദിയുടെ സത്യപ്രതിജ്ഞാ ചടങ്ങിൽ വിശിഷ്ടാതിഥിയായി വന്ദേ ഭാരത് ലോക്കോ പൈലറ്റും
Jun 8, 2024, 15:53 IST
ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ മൂന്നാം സര്‍ക്കാരിന്‍റെ സത്യപ്രതിജ്ഞാ ചടങ്ങില്‍ ഒരാളായി വന്ദേ ഭാരത് ലോക്കോ പൈലറ്റും. ദക്ഷിണ റെയില്‍വേ ചെന്നൈ ഡിവിഷനിലെ സീനിയര്‍ അസിസ്റ്റന്‍റ് ലോക്കോ പൈലറ്റായ ഐശ്വര്യ എസ്. മേനോനും 8,000 വിശിഷ്ടാതിഥികളില്‍ ഒരാളായി ക്ഷണം ലഭിച്ചു. ഐശ്വര്യ നിലവില്‍ വന്ദേ ഭാരത് ട്രെയിനിന്‍റെ ലോക്കോ പൈലറ്റാണ്. ഇവർ ലോക്കോ പൈലറ്റായി ജോലി ചെയ്യുന്നത് ചെന്നൈ-വിജയവാഡ, ചെന്നൈ-കോയമ്പത്തൂര്‍ വന്ദേ ഭാരത് എക്സ്പ്രസ് സര്‍വീസുകള്‍ ആരംഭിച്ചതു മുതലാണ്. ഏഷ്യയിലെ ആദ്യ വനിതാ ലോക്കോ പൈലറ്റായ സുരേഖ യാദവും മോദിയുടെ സത്യപ്രതിജ്ഞാ ചടങ്ങില്‍ പങ്കെടുക്കുന്നതായിരിക്കും.