ഉത്തരാഖണ്ഡ് ടണൽ ദുരന്തം; ഡ്രില്ലിം​ഗ് നടപടികൾ പുനരാരംഭിച്ചു

ഡൽഹി: ഉത്തരാഖണ്ഡിലെ ടണലിൽ നിർത്തിവെച്ചിരുന്ന രക്ഷാദൗത്യം പുനരാരംഭിച്ചു. ഡ്രില്ലിം​ഗ് നടപടികൾ വീണ്ടും തുടങ്ങി. ടണലിനുള്ളിലുള്ളവർ സുരക്ഷിതരാണെന്ന് അധികൃതർ അറിയിച്ചു. ടണലിന് മുകളിലൂടെ തുരക്കാനുള്ള നടപടികളും നടക്കുന്നതായി സ്ഥലത്തെത്തിയ കേന്ദ്രമന്ത്രി നിതിൻ ​ഗഡ്കരി‌യും ഉത്തരാഖണ്ഡ് മുഖ്യമന്ത്രി പുഷ്കർ സിം​ഗ് ധാമിയും വ്യക്തമാക്കി. രക്ഷാദൗത്യം വിലയിരുത്തുന്നതിനായി ഇവർ  ദുരന്തമേഖലയിൽ എത്തിയിരുന്നു. ആദ്യഘട്ട രക്ഷാദൗത്യം ആരംഭിച്ചത് ടണൽ മുഖത്ത് നിന്നുള്ള അവശിഷ്ടങ്ങൾ മാറ്റി. പിന്നീട് യന്ത്രം ലോഹഭാ​ഗത്ത് ഇടിച്ചതിനെ  തുടർന്ന് രക്ഷാദൗത്യം നിർത്തിവെക്കേണ്ട സാഹചര്യം ഉണ്ടായിരുന്നു.