രാത്രി വീട്ടിൽ അതിക്രമിച്ച് കടന്ന അക്രമികൾ പോലീസ് ഉദ്യോഗസ്ഥനെ കഴുത്തറുത്ത് കൊന്നു; പ്രതികൾക്കായി അന്വേഷണം | Murder
പട്ന: ബിഹാറിലെ ഭോജ്പൂർ ജില്ലയിൽ വീട്ടിൽ അതിക്രമിച്ചു കയറിയ അക്രമികൾ ജാർഖണ്ഡ് പോലീസ് ഉദ്യോഗസ്ഥനെ കഴുത്തറുത്ത് കൊലപ്പെടുത്തി (Murder). ഭഗവത്പൂർ ഗ്രാമത്തിൽ വെള്ളിയാഴ്ച രാത്രിയാണ് നാടിനെ നടുക്കിയ ഈ സംഭവം നടന്നത്. ഭഗവത്പൂർ സ്വദേശിയായ പശുപതി നാഥ് തിവാരി (58) ആണ് കൊല്ലപ്പെട്ടത്. ജാർഖണ്ഡ് പോലീസിൽ ഹവിൽദാറായിരുന്ന ഇദ്ദേഹം നിലവിൽ ഹസാരിബാഗ് പോലീസ് കൺട്രോൾ റൂമിലായിരുന്നു ജോലി ചെയ്തിരുന്നത്.
രാത്രി വീട്ടിൽ അതിക്രമിച്ചു കയറിയ അക്രമികൾ മൂർച്ചയുള്ള ആയുധം ഉപയോഗിച്ച് ഇദ്ദേഹത്തിന്റെ കഴുത്തറുക്കുകയായിരുന്നു. കൊലപാതകത്തിന് പിന്നിലെ കാരണം വ്യക്തമല്ല. വിവരമറിഞ്ഞ് സദർ എസ്ഡിപിഒ രഞ്ജിത് കുമാർ സിംഗും ചാന്ദി പോലീസ് ഇൻസ്പെക്ടറും സ്ഥലത്തെത്തി. സയന്റിഫിക് ഉദ്യോഗസ്ഥരും സ്ഥലത്തെത്തി തെളിവുകൾ ശേഖരിച്ചു. കൊലപാതകികളെ കണ്ടെത്താൻ പോലീസ് ഊർജിതമായ അന്വേഷണം ആരംഭിച്ചിട്ടുണ്ട്.
ഉന്നത പോലീസ് ഉദ്യോഗസ്ഥൻ സ്വന്തം നാട്ടിൽ വെച്ച് കൊല്ലപ്പെട്ടത് പ്രദേശത്ത് വലിയ പരിഭ്രാന്തി സൃഷ്ടിച്ചിട്ടുണ്ട്. കുടുംബാംഗങ്ങളിൽ നിന്നും അയൽവാസികളിൽ നിന്നും പോലീസ് വിവരങ്ങൾ ശേഖരിച്ചുവരികയാണ്.
A 58-year-old Jharkhand Police constable, Pashupati Nath Tiwari, was brutally murdered by unidentified assailants in his home in Bhojpur district, Bihar. Tiwari, who was stationed at the Hazaribagh Police Control Room, was attacked on Friday night with a sharp weapon. Bihar Police, along with FSL teams, have launched an investigation into the motive behind the murder and are currently questioning relatives to identify the culprits.