ചെന്നൈ: തമിഴ്നാട്ടിൽ മുഖ്യമന്ത്രി വിജയ്യുടെ നേതൃത്വത്തിലുള്ള ടി.വി.കെ സർക്കാരിന്റെ ആദ്യ മന്ത്രിസഭാ വിപുലീകരണം പൂർത്തിയായി. സഖ്യകക്ഷിയായ കോൺഗ്രസിനെക്കൂടി ഉൾപ്പെടുത്തി 23 പുതിയ മന്ത്രിമാരാണ് ചെന്നൈയിൽ നടന്ന ചടങ്ങിൽ സത്യപ്രതിജ്ഞ ചെയ്ത് അധികാരമേറ്റത്. ഇതിൽ 21 പേർ ടി.വി.കെയിൽ നിന്നുള്ളവരും രണ്ട് പേർ കോൺഗ്രസ് പ്രതിനിധികളുമാണ്.(Tamil Nadu CM Vijay Expands Cabinet Inducting Twenty Three Ministers Including Congress After Fifty Nine Years)
പുതിയ മന്ത്രിമാർ ചുമതലയേറ്റതോടെ വിജയ് മന്ത്രിസഭയിലെ ആകെ അംഗസംഖ്യ 32 ആയി ഉയർന്നു. ആദ്യഘട്ടത്തിൽ മുഖ്യമന്ത്രിയും ഒൻപത് മന്ത്രിമാരുമാണ് അധികാരമേറ്റിരുന്നത്. തമിഴ്നാട് രാഷ്ട്രീയത്തിൽ നിർണായകമായ വഴിത്തിരിവാണ് ഈ മന്ത്രിസഭാ വിപുലീകരണം. നീണ്ട 59 വർഷത്തെ ഇടവേളയ്ക്ക് ശേഷമാണ് കോൺഗ്രസ് പ്രതിനിധികൾ തമിഴ്നാട്ടിൽ ഒരു മന്ത്രിസഭയുടെ ഭാഗമാകുന്നത്.
കോൺഗ്രസ് എം.എ.ൽ.എമാരായ രാജേഷ് കുമാർ, പി. വിശ്വനാഥൻ എന്നിവർ മന്ത്രിമാരായി സത്യപ്രതിജ്ഞ ചെയ്തു. ടി.വി.കെ നിരയിൽ നിന്ന് തമിഴ് പാർഥിപൻ, ജെ. മുഹമ്മദ് ഫർവാസ്, വി. സമ്പത്ത് കുമാർ, വി. സത്യഭാമ, മാരി വിൽസൺ തുടങ്ങിയവരാണ് പുതിയതായി അധികാരമേറ്റ മറ്റ് പ്രമുഖർ. വരും ദിവസങ്ങളിൽ സഖ്യകക്ഷികളായ വി.സി.കെ, മുസ്ലിം ലീഗ് എന്നിവയിലെ ഓരോ പ്രതിനിധികൾ കൂടി മന്ത്രിസഭയുടെ ഭാഗമാകും. പരമാവധി 35 അംഗങ്ങളെ ഉൾപ്പെടുത്താൻ കഴിയുന്ന തമിഴ്നാട് മന്ത്രിസഭയിൽ ബാക്കിയുള്ള മൂന്ന് ഒഴിവുകളിലേക്കാവും ഇവരെ പരിഗണിക്കുക.
Story Summary
Tamil Nadu Chief Minister Vijay expanded his cabinet by inducting 23 new ministers, including two Congress MLAs, taking the total count to 32. This marks the historic return of the Congress party into a Tamil Nadu cabinet after 59 years, alongside the creation of a new Artificial Intelligence department.
