അഞ്ച് വയസുള്ളപ്പോൾ തന്നെ ലൈംഗികമായി പീഡിപ്പിച്ചു; 31 വര്‍ഷങ്ങള്‍ക്ക് ശേഷം സഹോദരനെതിരെ പരാതി നല്‍കി യുവതി
Sep 23, 2022, 09:35 IST
അമരാവതി: അഞ്ച് വയസുള്ളപ്പോൾ തന്നെ ലൈംഗികമായി പീഡിപ്പിച്ചു എന്നാരോപിച്ച് 52കാരനായ സഹോദരനെതിരെ പരാതി നല്‍കി 44കാരി. 1983നും 1991നും ഇടയിൽ മഹാരാഷ്ട്രയിലെ രാജപേത്ത് പൊലീസ് സ്റ്റേഷൻ പരിധിയിലാണ് സംഭവം. 31 വര്‍ഷങ്ങള്‍ക്ക് ശേഷമാണ് തന്‍റെ സഹോദരന് തന്നോട് ചെയ്‌ത അനീതിക്കെതിരെ അവര്‍ പൊലീസിനെ സമീപിച്ചിരിക്കുന്നത്. 1983നും 1991നും ഇടയിൽ മഹാരാഷ്ട്രയിലെ രാജപേത്ത് പൊലീസ് സ്റ്റേഷൻ പരിധിയിലാണ് സംഭവം. പീഡന വിവരം പെണ്‍കുട്ടി മതാപിതാക്കളെ അറിയിച്ചെങ്കിലും അവര്‍ അത് അവഗണിക്കുകയാണ് ഉണ്ടായത്. യുവതിയുടെ പരാതിയെ തുടര്‍ന്ന് അമരാവതി പൊലീസ് സഹോദരന് എതിരെ ബലാത്സംഗത്തിന് കേസെടുത്തു.യുവതിയുടെ സഹോദരന് നിലവില്‍ മുംബൈയിലെ മലാദ് മേഖലയിലാണ് താമസിക്കുന്നത്. അതിനാല്‍ നോയിഡ പൊലീസ് സ്റ്റേഷനിലും യുവതി പരാതി നൽകിയിട്ടുണ്ട്. കൂടാതെ ദേശീയ വനിത കമ്മിഷനിലും യുവതി പരാതി നല്‍കി.