ടി-20 ലോകകപ്പ് ജേതാക്കളെ കാത്തിരിക്കുന്നത് 12 കോടി രൂപ.!!
Oct 11, 2021, 10:44 IST
ടി-20 ലോകകപ്പ് ജേതാക്കളെ കാത്തിരിക്കുന്നത് 12 കോടി രൂപ. അതേസമയം, ഫൈനലിൽ പരാജയപ്പെടുന്ന റണ്ണേഴ്സ് അപ്പിന് 6 കോടി രൂപയും ലഭിക്കും. സെമിഫൈനലിൽ പരാജയപ്പെടുന്ന ടീമുകൾക്ക് 3 കോടി രൂപ വീതമാണ് ലഭിക്കുക. ആകെ 42 കോടി രൂപയാണ് ടൂർണമെൻ്റിൻ്റെ സമ്മാനത്തുക. രാജ്യന്തര ക്രിക്കറ്റ് കൗൺസിൽ തന്നെയാണ് ഇക്കാര്യം വ്യക്തമാക്കിയിരിക്കുന്നത്. സൂപ്പർ 12ലെ ഓരോ വിജയത്തിനും 30 ലക്ഷം രൂപ വീതമാണ് സമ്മാനത്തുക. ഈ ഘട്ടത്തിൽ പുറത്താവുന്ന ടീമുകൾക്ക് 52 ലക്ഷം രൂപ വീതം ലഭിക്കും. യോഗ്യതാ മത്സരങ്ങളിലെ വിജയങ്ങൾക്കും യോഗ്യതാ ഘട്ടത്തിൽ പുറത്താവുന്ന നാല് ടീമുകൾക്കും 30 ലക്ഷം രൂപ വീതം ലഭിക്കും.ടി-20 ലോകകപ്പ് യോഗ്യതാ മത്സരങ്ങൾ ഒക്ടോബർ 17നാണ് ആരംഭിക്കുക. ഒക്ടോബർ 23 മുതൽ സൂപ്പർ 12 മത്സരങ്ങൾ ആരംഭിക്കും. നവംബർ 8ന് ഗ്രൂപ്പ് ഘട്ട മത്സരങ്ങൾ അവസാനിക്കും. നവംബർ 10, 11 തീയതികളിൽ സെമിഫൈനലുകളും നവംബർ 14ന് ഫൈനലും നടക്കും.