രത്ലാം: തിരുവനന്തപുരത്ത് നിന്ന് ഡൽഹി നിസാമുദ്ദീനിലേക്ക് പോവുകയായിരുന്ന രാജധാനി എക്സ്പ്രസിന് (12431) തീപിടിച്ചു. പുലർച്ചെ 5:30-ഓടെ മധ്യപ്രദേശിലെ രത്ലാമിന് സമീപം ആലോട്ട് – വിക്രംഗഡ് റെയിൽവേ സ്റ്റേഷനുകൾക്കിടയിലാണ് സംഭവം. ട്രെയിനിന്റെ ബി-1 (B-1) കോച്ചിൽ നിന്നാണ് തീ പടർന്നത്. അപകടത്തെ തുടർന്ന് ഡൽഹി – മുംബൈ റൂട്ടിലെ ട്രെയിൻ ഗതാഗതം തടസ്സപ്പെട്ടു.(Rajdhani Express fire accident near Ratlam on Delhi Mumbai route)
ട്രെയിനിന്റെ പിൻഭാഗത്തുനിന്നും പുക ഉയർന്നത് ശ്രദ്ധയിൽപ്പെട്ട ഗാർഡ് ഉടൻ തന്നെ ലോകോ പൈലറ്റിനെ വിവരമറിയിക്കുകയും ട്രെയിൻ അടിയന്തരമായി നിർത്തുകയുമായിരുന്നു. റെയിൽവേ ജീവനക്കാരുടെ സമയബന്ധിതമായ ഇടപെടൽ മൂലം വൻ ദുരന്തമാണ് ഒഴിവായത്. അപകടത്തിൽപ്പെട്ട കോച്ചിലുണ്ടായിരുന്ന 68-ഓളം യാത്രക്കാരെ ഉടനടി സുരക്ഷിതമായി മറ്റ് കോച്ചുകളിലേക്ക് മാറ്റിപ്പാർപ്പിച്ചു.
വിവരമറിഞ്ഞ് ഫയർഫോഴ്സ് സംഘം വേഗത്തിൽ സ്ഥലത്തെത്തി തീയണയ്ക്കാനുള്ള ശ്രമങ്ങൾ ആരംഭിച്ചു. കോട്ട റെയിൽവേ ഡിവിഷന്റെ പരിധിയിൽ വരുന്ന പ്രദേശത്താണ് അപകടമുണ്ടായത്. തീപിടുത്തത്തിൽ രണ്ട് കോച്ചുകൾ പൂർണ്ണമായും കത്തി നശിച്ചതായാണ് വിവരം. എന്നാൽ ആർക്കും പരിക്കേൽക്കുകയോ ജീവഹാനിയോ സംഭവിച്ചിട്ടില്ല.
Story Summary
A fire broke out in two coaches of the Delhi-bound Rajdhani Express near Ratlam, leading to a temporary disruption of train services on the busy Delhi-Mumbai route. Thanks to the alertness of the railway staff, all 68 passengers were evacuated safely, preventing any casualties.
