പിഡബ്ല്യൂഡി ഉദ്യോഗസ്ഥന്റെ വീട്ടിൽ റെയ്ഡ്; പൈപ്പിനുള്ളിൽ നിന്ന് 25 ലക്ഷം രൂപ കണ്ടെടുത്തു
Nov 25, 2021, 09:28 IST
ബംഗളൂരു: കർണാടകയിൽ പിഡബ്ല്യൂഡി ഉദ്യോഗസ്ഥന്റെ വീട്ടിൽ നിന്ന് 25 ലക്ഷവും സ്വർണവും പിടികൂടി. അഴിമതി വിരുദ്ധ സ്ക്വാഡ് നടത്തിയ പരിശോധനയിൽ പൊതുമാരമത്ത് വകുപ്പിലെ ജോയിന്റ് എൻജിനിയർ സാന്താ ഗൗഡയുടെ വീട്ടിലെ പൈപ്പിനുള്ളിൽ നിന്നാണ് പണവും സ്വർണവും കണ്ടെടുത്തത്. കർണാടകയിലെ കൽബുർഗിയിലാണ് സംഭവം. റെയ്ഡ് വിവരം നേരത്തെ അറിഞ്ഞതിനാൽ ഗൗഡ പണവും സ്വർണവും പൈപ്പിൽ ഒളിപ്പിക്കുകയായിരുന്നു. കരാറുകാരിൽനിന്നും ലഭിച്ച അനധികൃത പണമാണ് ഇതെന്ന് അഴിമതി വിരുദ്ധ സ്ക്വാഡ് അറിയിച്ചു.