ന്യൂഡൽഹി: പശ്ചിമേഷ്യയിൽ തുടരുന്ന യുഎസ്-ഇറാൻ സംഘർഷങ്ങൾ ആഗോളതലത്തിൽ ഇന്ധനവില വർദ്ധനവിനും കപ്പൽ ഗതാഗത ചെലവേറുന്നതിനും കാരണമാകുന്നുണ്ടെങ്കിലും, ഇന്ത്യയുടെ സാമ്പത്തിക അടിത്തറ ശക്തമാണെന്ന് കേന്ദ്ര ധനമന്ത്രി നിർമ്മല സീതാരാമൻ (Nirmala Sitharaman on Conflict Fuel Prices). സിഡ്ബി (SIDBI) സ്ഥാപക ദിന പരിപാടിയിൽ സംസാരിക്കവെയാണ് രാജ്യത്തിന്റെ സാമ്പത്തിക വ്യവസ്ഥയെക്കുറിച്ച് വെറുതെ ആശങ്ക പരത്തുന്നവർക്കെതിരെ ധനമന്ത്രി രംഗത്തെത്തിയത്. ആഗോളതലത്തിൽ ക്രൂഡ് ഓയിൽ, വളം, സ്വർണം എന്നിവയുടെ വില വർദ്ധിക്കുന്നത് ഇറക്കുമതി ചെലവ് കൂട്ടുകയും വിദേശനാണ്യ ശേഖരത്തെയും പണപ്പെരുപ്പത്തെയും ബാധിക്കുകയും ചെയ്യുന്നുണ്ടെന്നും, ഇതിനാലാണ് പ്രധാനമന്ത്രി നരേന്ദ്ര മോദി ജനങ്ങളോട് മിതവ്യയം പാലിക്കാൻ ആവശ്യപ്പെട്ടതെന്നും അവർ വ്യക്തമാക്കി. പ്രതിസന്ധി നേരിടുന്ന കയറ്റുമതി മേഖലയെ സഹായിക്കാൻ സർക്കാർ കസ്റ്റംസ് നടപടികൾ ലളിതമാക്കിയിട്ടുണ്ട്.
ഇന്ധനവില വർദ്ധനവിൽ നിന്നും സാധാരണക്കാരെയും ചെറുകിട സംരംഭകരെയും സംരക്ഷിക്കുന്നതിനായി പെട്രോളിന്റെയും ഡീസലിന്റെയും എക്സൈസ് ഡ്യൂട്ടി കുറച്ചതിലൂടെ നടപ്പ് സാമ്പത്തിക വർഷത്തിൽ സർക്കാരിന് ഒരു ലക്ഷം കോടി രൂപയുടെ റവന്യൂ നഷ്ടം ഉണ്ടാകുമെന്നും ധനമന്ത്രി അറിയിച്ചു. ജിഎസ്ടി പിരിവ് ശക്തമായി തുടരുന്നതും വാഹന വിൽപ്പനയിലെ വർദ്ധനവും ആഭ്യന്തര വിപണിയിലെ ശക്തമായ ആവശ്യകതയെയാണ് കാണിക്കുന്നത്. ചെറുകിട-ഇടത്തരം സംരംഭങ്ങൾക്ക് (MSME) കൂടുതൽ വായ്പ ലഭ്യമാക്കുന്നതിനായി സിഡ്ബിയും പ്രാദേശിക ഗ്രാമീണ ബാങ്കുകളും ചേർന്നുള്ള പുതിയ കോ-ലെൻഡിംഗ് പ്ലാറ്റ്ഫോമും ഉദ്യം പോർട്ടലിൽ രജിസ്റ്റർ ചെയ്ത സംരംഭകർക്കായി ഈടില്ലാതെ 5 ലക്ഷം രൂപ വരെ വായ്പ നൽകുന്ന പ്രത്യേക മൈക്രോ ക്രെഡിറ്റ് കാർഡും മന്ത്രി പ്രഖ്യാപിച്ചു. കൂടാതെ യുദ്ധം ബാധിച്ച വ്യവസായങ്ങളെ സഹായിക്കാൻ 2.55 ലക്ഷം കോടി രൂപയുടെ ECLGS 5.0 പദ്ധതിക്ക് കാബിനറ്റ് അംഗീകാരം നൽകിയതായും അവർ കൂട്ടിച്ചേർത്തു.
Summary: Union Finance Minister Nirmala Sitharaman stated that India’s economic fundamentals remain resilient despite global pressures from the ongoing US-Iran conflict and rising fuel prices. To shield consumers and businesses, the government is absorbing a revenue hit of nearly Rs 1 lakh crore by reducing excise duties on petrol and diesel. Additionally, she announced several credit-push measures for MSMEs, including the cabinet-approved ECLGS 5.0 scheme worth Rs 2.55 lakh crore.
