ദക്ഷിണ റെയില്‍വേയിൽ പുതു ചരിത്രം; ആദ്യമായി ട്രാന്‍സ് ടിടിഇ
Feb 12, 2024, 12:26 IST
ദക്ഷിണ റെയില്‍വേയിലെ ആദ്യ ട്രാന്‍സ്- ടിടിഇ ആയി നാഗര്‍കോവില്‍ സ്വദേശി സിന്ധു ഗണപതി. ട്രാവലിങ് ടിക്കറ്റ് എക്സാമിനര്‍ എന്നാണ് ടിടിഇ’യുടെ പൂർണ്ണരൂപം. കഴിഞ്ഞയാഴ്ചയാണ് സിന്ധു ഡിണ്ടിഗല്‍ റെയില്‍വേ സ്റ്റേഷനിലെ ടിടിഇ ഉദ്യോഗസ്ഥയായി ജോലിയിൽ പ്രവേശിച്ചത്.
2003ല്‍ ആണ് ജി സിന്ദന്‍ റെയില്‍വേ ജോലിയില്‍ കയറുന്നത്. എന്നാൽ പിന്നീട് ലിംഗമാറ്റ ശസ്ത്രക്രിയയിലൂടെ ഇവർ സിന്ധുവായി മാറുകയായിരുന്നു. മാനസിക സമ്മര്‍ദം കാരണം 2010ല്‍ ജോലി വിട്ട് സഹട്രാന്‍സ്ജെന്‍ഡറുകള്‍ക്കൊപ്പം താമസിക്കാന്‍ തുടങ്ങിയിരുന്നു. 18 മാസത്തിനുശേഷം വീണ്ടും ജോലിയില്‍ പ്രവേശിച്ചു. ലിംഗമാറ്റം അംഗീകരിച്ച റെയില്‍വേ അധികൃതര്‍ വനിതാ ജീവനക്കാരിയായി പരിഗണിക്കുകയായിരുന്നെന്ന് സിന്ധു വ്യക്തമാക്കി.
