മുംബൈ: മുംബൈയിലെ പ്രശസ്തമായ ജെജെ ആശുപത്രിയിലെ (JJ Hospital) ഒന്നാം വർഷ പിജി റസിഡന്റ് ഡോക്ടർ ഹോസ്റ്റൽ മുറിയിൽ ആത്മഹത്യ ചെയ്ത നിലയിൽ കണ്ടെത്തി (JJ Hospital Resident Doctor Suicide). 26 വയസ്സുകാരനായ ഡോ. അഭയ്സിംഗ് മോറെയാണ് മരിച്ചത്. ചൊവ്വാഴ്ച വൈകുന്നേരമാണ് മൃതദേഹം കണ്ടെത്തിയത്. കഴിഞ്ഞ കുറച്ചുദിവസങ്ങളായി ഡോക്ടർ കടുത്ത മാനസിക സമ്മർദ്ദത്തിലായിരുന്നുവെന്ന് സഹപ്രവർത്തകർ പറയുന്നു. ജോലിക്ക് എത്താതിരുന്നതിനെത്തുടർന്ന് സുഹൃത്തുക്കൾ ഹോസ്റ്റൽ മുറിയിൽ അന്വേഷിച്ചെത്തിയപ്പോഴാണ് തൂങ്ങിയ നിലയിൽ കണ്ടെത്തിയത്.
റേഡിയോളജി വിഭാഗത്തിലെ ഒന്നാം വർഷ റസിഡന്റ് ഡോക്ടറായിരുന്നു ഇദ്ദേഹം. കഴിഞ്ഞ കുറച്ചു മാസങ്ങളായി ഇദ്ദേഹം മാനസിക സമ്മർദ്ദത്തിന് ചികിത്സ തേടിയിരുന്നതായും റിപ്പോർട്ടുകളുണ്ട്. മൃതദേഹം പോസ്റ്റ്മോർട്ടത്തിനായി മാറ്റി. സംഭവത്തിൽ ജെജെ മാർഗ് പോലീസ് എഡിആർ (Accidental Death Report) രജിസ്റ്റർ ചെയ്ത് അന്വേഷണം ആരംഭിച്ചു. ആത്മഹത്യാ കുറിപ്പൊന്നും കണ്ടെത്തിയിട്ടില്ല.
ഡോക്ടറുടെ മരണം റസിഡന്റ് ഡോക്ടർമാർക്കിടയിൽ വലിയ പ്രതിഷേധത്തിന് കാരണമായിട്ടുണ്ട്. ജോലിഭാരവും സീനിയർ ഡോക്ടർമാരുടെ ഭാഗത്തുനിന്നുള്ള സമ്മർദ്ദവുമാണ് ആത്മഹത്യയിലേക്ക് നയിച്ചതെന്ന് സഹപ്രവർത്തകർ ആരോപിക്കുന്നു.
റസിഡന്റ് ഡോക്ടർമാരുടെ മാനസികാരോഗ്യവും ജോലി സാഹചര്യങ്ങളും വീണ്ടും വലിയ ചർച്ചകൾക്ക് വഴിവെച്ചിരിക്കുകയാണ് ഈ സംഭവം.
News Summary: Dr. Abhaysinh More, a 26-year-old first-year Radiology resident doctor at Mumbai’s JJ Hospital, allegedly died by suicide in his hostel room on Tuesday. He had been reportedly under significant mental stress and was undergoing treatment for the same. His body was discovered by colleagues after he failed to report for duty. The JJ Marg Police have registered an Accidental Death Report (ADR) and are investigating the circumstances. The incident has reignited concerns regarding the intense work pressure and mental health challenges faced by resident doctors.
