ന്യൂഡൽഹി: പ്രധാനമന്ത്രി നരേന്ദ്ര മോദിയുടെ ഫെയ്സ്ബുക്ക് റീൽസ് വീഡിയോ താത്കാലികമായി നീക്കം ചെയ്ത സംഭവത്തിൽ മെറ്റയുടെ ആഗോള ഉന്നത ഉദ്യോഗസ്ഥരെ വിളിപ്പിച്ച് കേന്ദ്ര ഇലക്ട്രോണിക്സ് ആന്റ് വിവരസാങ്കേതിക മന്ത്രാലയം (MeitY). ഓഗസ്റ്റ് 5, 6 തീയതികളിലായി മെറ്റാ പ്രതിനിധികളും ഐ.ടി മന്ത്രാലയത്തിലെ ഉദ്യോഗസ്ഥരും തമ്മിൽ കൂടിക്കാഴ്ച നടത്തും.(MeitY summons Meta executives over PM Modi video removal warning over Safe Harbour Protection)
നീറ്റ്-യു.ജി (NEET-UG) ചോദ്യപേപ്പർ ചോർച്ചയുമായി ബന്ധപ്പെട്ട രാജ്യവ്യാപക പ്രതിഷേധങ്ങളെക്കുറിച്ച് പ്രധാനമന്ത്രി പങ്കുവെച്ച റീൽസ് വീഡിയോ ജൂലൈ 28-നാണ് ഫെയ്സ്ബുക്ക് ഏകദേശം അഞ്ച് മണിക്കൂറോളം നീക്കം ചെയ്തത്. അൽഗോരിതത്തിലുണ്ടായ പിഴവ് മൂലമാണ് സംഭവം ഉണ്ടായതെന്ന് മെറ്റാ ഉദ്യോഗസ്ഥർ വിശദീകരിച്ചെങ്കിലും ഐ.ടി പാർലമെന്ററി സ്റ്റാൻഡിംഗ് കമ്മിറ്റി ചെയർമാൻ നിഷികാന്ത് ദുബെ കടുത്ത പ്രതിഷേധം അറിയിച്ചു.
സംഭവം ഗുരുതരമാണെന്നും മെറ്റാ സി.ഇ.ഒ മാർക്ക് സക്കർബർഗ് ഔദ്യോഗികമായി മാപ്പ് പറയണമെന്നും ആവശ്യപ്പെട്ടു. മാപ്പ് പറഞ്ഞില്ലെങ്കിൽ ഐ.ടി ആക്ടിലെ സെക്ഷൻ 79 പ്രകാരം സോഷ്യൽ മീഡിയ പ്ലാറ്റ്ഫോമുകൾക്ക് ലഭിക്കുന്ന ‘സേഫ് ഹാർബർ’ അഥവാ നിയമപരമായ സുരക്ഷിതത്വ പരിരക്ഷ മെറ്റയ്ക്ക് നഷ്ടമാകുമെന്ന് ദുബെ മുന്നറിയിപ്പ് നൽകി.
Story Summary
Senior global executives from Meta have been summoned by the Union Ministry of Electronics and Information Technology (MeitY) following the temporary takedown of a Facebook reel posted by Prime Minister Narendra Modi. Parliament panel chief Nishikant Dubey warned that Meta could lose its safe harbour protection under Section 79 of the IT Act if CEO Mark Zuckerberg fails to apologize.
