ഭോപ്പാൽ: കേന്ദ്ര സർക്കാർ കൊണ്ടുവന്ന പുതിയ ഭേദഗതി നിയമപ്രകാരം രാജ്യത്ത് ആദ്യമായി വഖഫ് ബോർഡ് പുനഃസംഘടിപ്പിച്ച് മധ്യപ്രദേശ് സർക്കാർ. മുഖ്യമന്ത്രി മോഹൻ യാദവിന്റെ നിർണ്ണായക തീരുമാനത്തെ തുടർന്ന് രൂപീകരിച്ച 10 അംഗ ബോർഡിൽ ചരിത്രത്തിലാദ്യമായി രണ്ട് ഹിന്ദു അംഗങ്ങളെയും ഉൾപ്പെടുത്തിയിട്ടുണ്ട്. ബോർഡ് പുനഃസംഘടനയുമായി ബന്ധപ്പെട്ട ഔദ്യോഗിക വിജ്ഞാപനം മധ്യപ്രദേശ് ഗസറ്റിൽ പ്രസിദ്ധീകരിച്ചു.(Madhya Pradesh Reconstitutes Waqf Board Under New Act Includes Two Hindu Members)
സൻവർ പട്ടേലിനെയാണ് മധ്യപ്രദേശ് വഖഫ് ബോർഡിന്റെ പുതിയ ചെയർമാനായി നിയമിച്ചിരിക്കുന്നത്. ഇൻഡോറിൽ നിന്നുള്ള മനോജ് മൽപാനി, ഗുണയിലെ രാഘോഗഢിൽ നിന്നുള്ള അനിമേഷ് ഭാർഗവ എന്നിവരാണ് വഖഫ് ബോർഡിൽ ഇടംനേടിയ ഹിന്ദു അംഗങ്ങൾ. 1995-ലെ വഖഫ് ആക്ട് (2025-ലെ ഭേദഗതി പ്രകാരം) സെക്ഷൻ 13 (1) നൽകുന്ന അധികാരം ഉപയോഗിച്ചാണ് സംസ്ഥാന സർക്കാർ സെക്ഷൻ 14-ലെ വ്യവസ്ഥകൾ പാലിച്ച് പുതിയ ബോർഡിന് രൂപം നൽകിയത്. പുതിയ വഖഫ് നിയമത്തിലെ വ്യവസ്ഥകൾ കൃത്യമായി നടപ്പിലാക്കുക എന്ന ലക്ഷ്യത്തോടെയാണ് മധ്യപ്രദേശ് സർക്കാരിന്റെ ഈ വേഗതയേറിയ അഡ്മിനിസ്ട്രേറ്റീവ് നടപടി.
മുൻ കേന്ദ്രമന്ത്രി നജ്മ ഹെപ്തുള്ള (ന്യൂഡൽഹി), ആതിഫ് അഖീൽ (എംഎൽഎ, ഭോപ്പാൽ നോർത്ത്), ഫൈസാൻ ഖാൻ (ഉജ്ജൈൻ), സിസ്റ്റർ ഫാത്തിമ ചൗധരി (ഇൻഡോർ), ഷൈസ്ത സുൽത്താൻ (കൗൺസിലർ, ബേരസ്യ ഭോപ്പാൽ), ഷബാന ഖാൻ (കൗൺസിലർ, രത്ലം) എന്നിവരാണ് ബോർഡിലെ മറ്റ് പുതിയ അംഗങ്ങൾ. ഇവർക്ക് പുറമെ പിന്നാക്ക വിഭാഗ-ന്യൂനപക്ഷ ക്ഷേമ കമ്മീഷണറെയും ബോർഡിൽ അംഗമാക്കിയിട്ടുണ്ട്. വിജ്ഞാപനമനുസരിച്ച്, 2023 ഏപ്രിലിൽ തിരഞ്ഞെടുക്കപ്പെട്ട വിഭാഗത്തിൽ നിന്ന് നിയമിക്കപ്പെട്ട നജ്മ ഹെപ്തുള്ളയുടെ കാലാവധി 2028 ഏപ്രിൽ 18 വരെ നിലനിൽക്കുന്നതിനാൽ, അവരുടെ ബാക്കി കാലാവധി പൂർത്തിയാക്കാൻ പുതിയ വിജ്ഞാപനത്തിലും പേര് ഉൾപ്പെടുത്തിയിട്ടുണ്ട്.
Story Summary
Madhya Pradesh has become the first state in India to reconstitute its Waqf Board under the newly amended Waqf Act, appointing Sanwar Patel as Chairman. In a historic move led by CM Mohan Yadav, the newly formed 10-member board also includes two Hindu members.
