ഭോപ്പാൽ: മധ്യപ്രദേശിലെ ഒരു വിവാഹ മണ്ഡപത്തിൽ അതിഥികളെയും വീട്ടുകാരെയും ഒരുപോലെ അമ്പരപ്പിച്ച് വധുവിന്റെ സാഹസിക നീക്കം (Madhya Pradesh Bride Viral Video). വരനൊപ്പം സ്റ്റേജിൽ നിൽക്കുകയായിരുന്ന വധു, പെട്ടെന്ന് താഴേക്ക് ചാടി സദസ്സിലുണ്ടായിരുന്ന കാമുകന്റെ കഴുത്തിൽ മാലയിടുകയായിരുന്നു. സംഭവത്തിന്റെ വീഡിയോ സോഷ്യൽ മീഡിയയിൽ വൈറലായതോടെ വലിയ ചർച്ചയായിരിക്കുകയാണ്.
വിവാഹത്തിന്റെ പ്രധാന ചടങ്ങായ മാല കൈമാറ്റത്തിനിടെയാണ് (Var Mala) നാടകീയമായ സംഭവങ്ങൾ അരങ്ങേറിയത്. വരൻ വധുവിനെ മാലയിട്ടു കഴിഞ്ഞതിന് പിന്നാലെ തന്റെ കയ്യിലുണ്ടായിരുന്ന മാലയുമായി യുവതി സ്റ്റേജിൽ നിന്നും താഴേക്ക് ചാടുകയായിരുന്നു. ഓടിപ്പോയി അവിടെ കാത്തുനിന്ന കാമുകന്റെ കഴുത്തിൽ യുവതി മാലയിട്ടു. ഈ സമയം ബന്ധുക്കളും അതിഥികളും എന്തുചെയ്യണമെന്നറിയാതെ തരിച്ചിരുന്നു.
യുവതി ഏറെക്കാലമായി കാമുകനുമായി പ്രണയത്തിലായിരുന്നുവെന്നും എന്നാൽ വീട്ടുകാർ ഈ ബന്ധം എതിർത്തതിനെത്തുടർന്നാണ് മറ്റൊരു വിവാഹത്തിന് നിർബന്ധിച്ചതെന്നുമാണ് റിപ്പോർട്ടുകൾ. വിവാഹ ചടങ്ങുകൾക്കിടെ കാമുകൻ വേദിയിലെത്തിയതോടെയാണ് യുവതി ഈ സാഹസികമായ തീരുമാനമെടുത്തത്. സംഭവത്തിന് പിന്നാലെ വിവാഹവേദിയിൽ ചെറിയ തോതിലുള്ള സംഘർഷവുമുണ്ടായി.
വീഡിയോ പുറത്തുവന്നതോടെ നിരവധി പേരാണ് വധുവിന്റെ ധൈര്യത്തെ അനുകൂലിച്ചും പ്രതികൂലിച്ചും രംഗത്തെത്തുന്നത്. നിർബന്ധിത വിവാഹങ്ങളുടെ പരിസമാപ്തി ഇങ്ങനെയൊക്കെയാകുമെന്നാണ് സോഷ്യൽ മീഡിയയിലെ പൊതുഅഭിപ്രായം.
MP: Shocking incident from Chhindwara: Bride ran from the stage, put a garland around her lover’s neck in front of the groom… A shocking wedding incident has come to light from #Chhindwara, #MadhyaPradesh, which has surprised everyone. pic.twitter.com/yHvMGKzHN1
— Siraj Noorani (@sirajnoorani) May 1, 2026
Story Summary: In a dramatic incident in Madhya Pradesh, a bride jumped off the wedding stage and put a garland around her lover’s neck during the ‘Var Mala’ ceremony. The video of the event has gone viral. It is reported that the bride was in a long-term relationship which her family opposed, leading to the forced wedding. The event left the groom and guests in shock.
