ബെംഗളൂരു: കർണാടകയിൽ തിരഞ്ഞെടുപ്പ് വോട്ടർ പട്ടികയുടെ പ്രത്യേക പുനഃപരിശോധനയ്ക്ക് (SIR) തുടക്കമാകുന്നു. വോട്ടർ പട്ടികയിൽ പേരുള്ളത് ഉറപ്പുവരുത്തണമെന്ന് മുഖ്യമന്ത്രി ഡി.കെ. ശിവകുമാർ പൗരന്മാരോട് അഭ്യർത്ഥിച്ചു. വോട്ടവകാശം നഷ്ടപ്പെട്ടാൽ സർക്കാർ ആനുകൂല്യങ്ങളും നഷ്ടപ്പെടുമെന്ന കടുത്ത മുന്നറിയിപ്പാണ് അദ്ദേഹം നൽകിയത്. പശ്ചിമ ബംഗാൾ ഉൾപ്പെടെയുള്ള സംസ്ഥാനങ്ങളിൽ നടപ്പിലാക്കുന്ന മാതൃകയിൽ, വോട്ടർ പട്ടികയുമായി ബന്ധപ്പെടുത്തി സർക്കാർ ആനുകൂല്യങ്ങൾ ക്രമീകരിക്കുമെന്ന സൂചനയാണ് മുഖ്യമന്ത്രി നൽകിയത്.(Karnataka to Start SIR, Chief Minister DK Shivakumar urging citizens to verify their voter status)
ജൂൺ 30 മുതൽ ജൂലൈ 29 വരെ തിരഞ്ഞെടുപ്പ് കമ്മീഷന്റെ നേതൃത്വത്തിൽ വീടുകൾ തോറും കയറിയുള്ള വിവരശേഖരണം നടക്കും. 5.5 കോടിയിലധികം വോട്ടർമാരെയാണ് ഇതിനായി പരിഗണിക്കുന്നത്. 59,050 ബൂത്ത് ലെവൽ ഓഫീസർമാരെ (BLO) ഈ പ്രവർത്തനങ്ങൾക്കായി നിയോഗിച്ചിട്ടുണ്ട്.
ഉദ്യോഗസ്ഥർ സന്ദർശിക്കുന്ന വീടുകളിൽ വയലറ്റ് നിറത്തിലുള്ള ചതുര സ്റ്റിക്കറുകളും, പൂട്ടിയിട്ടിരിക്കുന്ന വീടുകളിൽ ചുവന്ന വട്ടത്തിലുള്ള സ്റ്റിക്കറുകളും പതിക്കും. ഒരു വീട്ടിൽ കുറഞ്ഞത് മൂന്ന് തവണയെങ്കിലും ഉദ്യോഗസ്ഥർ സന്ദർശനം നടത്തും. വിവരശേഖരണ വേളയിൽ യാതൊരുവിധ രേഖകളും കൈമാറേണ്ടതില്ലെന്ന് തിരഞ്ഞെടുപ്പ് കമ്മീഷൻ അറിയിച്ചു. നൽകുന്ന ഫോം പൂരിപ്പിച്ച് ഒപ്പിട്ട് ഉദ്യോഗസ്ഥർക്ക് കൈമാറിയാൽ മതിയാകും.
ഈ പ്രക്രിയ സുഗമമാക്കുന്നതിനായി സർക്കാർ ‘പെർമനന്റ് റെസിഡൻഷ്യൽ സർട്ടിഫിക്കറ്റ്’ (സ്ഥിര താമസ സർട്ടിഫിക്കറ്റ്) നൽകാൻ തീരുമാനിച്ചു. സേവാ സിന്ധു (Seva Sindhu) പോർട്ടൽ വഴിയോ അതൽ ജന സ്നേഹി കേന്ദ്രങ്ങൾ, നാട കച്ചേരികൾ, ബെംഗളൂരു വൺ, കർണാടക വൺ, ഗ്രാം വൺ തുടങ്ങിയ കേന്ദ്രങ്ങൾ വഴിയോ ഓൺലൈനായോ നേരിട്ടോ ഈ സർട്ടിഫിക്കറ്റ് ലഭിക്കും. കരട് വോട്ടർ പട്ടിക പ്രസിദ്ധീകരണം: ഓഗസ്റ്റ് 5, പരാതികൾക്കും ആക്ഷേപങ്ങൾക്കും അവസരം: സെപ്റ്റംബർ 4 വരെ, അന്തിമ വോട്ടർ പട്ടിക പ്രസിദ്ധീകരണം: ഒക്ടോബർ 7 എന്നിങ്ങനെയാണ്. യാതൊരു ആശങ്കകളും കൂടാതെ ഈ പ്രക്രിയയിൽ പങ്കുചേരണമെന്നും, തിരഞ്ഞെടുപ്പ് കമ്മീഷന്റെ നിർദ്ദേശങ്ങൾ അനുസരിച്ച് നിയമപരമായാണ് നടപടികൾ നടക്കുന്നതെന്നും കർണാടക ചീഫ് ഇലക്ടറൽ ഓഫീസർ അറിയിച്ചു.
Story Summary
With Karnataka SIR with Chief Minister DK Shivakumar urging citizens to verify their voter status to avoid losing government benefits. The Election Commission is conducting house-to-house enumeration until July 29, and the government is facilitating the process by issuing permanent residential certificates through various online and offline channels.
