ഒരു ജോലിയിൽ പ്രവേശിക്കുന്നതിന് മുൻപുള്ള ശമ്പള ചർച്ചകളിൽ തികച്ചും വ്യത്യസ്തവും അപകടസാധ്യതയേറിയതുമായ ഒരു തന്ത്രം ഉപയോഗിച്ച് ശമ്പളത്തിൽ വലിയ വർദ്ധനവ് നേടിയെടുത്ത ഒരു ഉദ്യോഗാർത്ഥിയുടെ അനുഭവം സോഷ്യൽ മീഡിയയിൽ വൻ ചർച്ചയാകുന്നു (Job Seeker Salary Negotiation). റെഡ്ഡിറ്റിലെ ‘r/jobsearchhacks’ എന്ന ഫോറത്തിലാണ് ഈ അപൂർവ്വ അനുഭവം പങ്കുവെക്കപ്പെട്ടിരിക്കുന്നത്. കടുത്ത മത്സര ബുദ്ധിയോടെ ശമ്പള വിലപേശലിൽ ഉറച്ചുനിൽക്കുകയും, കമ്പനിയുടെ അടുത്ത നീക്കത്തിനായി പൂർണ്ണമായി നിശബ്ദത പാലിക്കുകയും ചെയ്യുന്ന ‘ഗെയിം ഓഫ് ചിക്കൻ’ എന്ന തന്ത്രമാണ് ഈ ഉദ്യോഗാർത്ഥി പ്രയോഗിച്ചത്. തുടക്കത്തിൽ കമ്പനി വളരെ കുറഞ്ഞ ശമ്പളമാണ് വാഗ്ദാനം ചെയ്തതെങ്കിലും ഈ തന്ത്രത്തിലൂടെ തന്റെ വാർഷിക ശമ്പളത്തിൽ 12,000 ഡോളറിന്റെ (ഏകദേശം 11.5 ലക്ഷം രൂപ) വർദ്ധനവ് നേടിയെടുക്കാൻ ഇവർക്ക് സാധിച്ചു.
ആറ് ആഴ്ച നീണ്ടുനിന്ന കഠിനമായ റിക്രൂട്ട്മെന്റ് പ്രക്രിയയ്ക്കും നാല് റൗണ്ട് അഭിമുഖങ്ങൾക്കും ശേഷമാണ് ഉദ്യോഗാർത്ഥി അവസാന ഘട്ട ശമ്പള ചർച്ചയിൽ എത്തിയത്. എന്നാൽ ആദ്യ അഭിമുഖത്തിൽ സംസാരിച്ച തുകയേക്കാൾ 15 ശതമാനം കുറഞ്ഞ ശമ്പളമാണ് ഫൈനൽ കോളിൽ കമ്പനി വാഗ്ദാനം ചെയ്തത്. സാധാരണയായി ഇത്തരം സാഹചര്യങ്ങളിൽ ഉദ്യോഗാർത്ഥികൾ പരിഭ്രാന്തരാകുകയോ കൂടുതൽ ശമ്പളത്തിനായി ന്യായീകരണങ്ങൾ നിരത്തുകയോ ആണ് ചെയ്യാറുള്ളത്. എന്നാൽ ഇതിന് വിപരീതമായി താൻ ഫോണിൽ പൂർണ്ണമായ നിശബ്ദത പാലിക്കുകയാണ് ചെയ്തതെന്ന് റെഡ്ഡിറ്റ് ഉപയോക്താവ് കുറിച്ചു.
The absolute power of saying nothing during a salary offer
by
u/Doormat_8JV in
jobsearchhacks
ഒരു മാസത്തോളം നീണ്ട തങ്ങളുടെ റിക്രൂട്ട്മെന്റ് പ്രയത്നങ്ങളും പണവും ചുരുങ്ങിയ തുകയുടെ പേരിൽ നഷ്ടപ്പെടുത്താൻ കമ്പനികൾ ആഗ്രഹിക്കില്ലെന്നും, ഉദ്യോഗാർത്ഥികളുടെ നിസ്സഹായാവസ്ഥയെയാണ് പലപ്പോഴും അവർ ചൂഷണം ചെയ്യാറുള്ളതെന്നും ഈ പോസ്റ്റിൽ പറയുന്നു. വിലപേശൽ നടത്തുമ്പോൾ ആദ്യം സംസാരിക്കുന്നയാൾ പരാജയപ്പെടുമെന്ന തത്വത്തിലാണ് താൻ ഉറച്ചുനിന്നതെന്നും ഇവർ വ്യക്തമാക്കുന്നു. ഈ പോസ്റ്റ് വൈറലായതോടെ വലിയ രീതിയിലുള്ള സംവാദങ്ങളാണ് ഇന്റർനെറ്റിൽ ഉയരുന്നത്. ചിലർ ഇതൊരു മികച്ച തന്ത്രമായി വിലയിരുത്തുമ്പോൾ, മറ്റൊരു കമ്പനിയിൽ നിന്നും മികച്ച ഓഫറുകൾ കൈവശമില്ലാത്തവർ ഇത്തരം കടുംപിടുത്തം നടത്തിയാൽ ഉള്ള ജോലി കൂടി നഷ്ടപ്പെടാൻ സാധ്യതയുണ്ടെന്ന് മറ്റ് ചിലർ മുന്നറിയിപ്പ് നൽകുന്നു.
Summary: A job seeker’s Reddit post on the r/jobsearchhacks forum has sparked an intense online debate after they successfully secured a $12,000 salary bump using a high-stakes negotiation tactic described as a “game of chicken.” After enduring a grueling six-week, four-round interview process, the recruiter presented a final offer that was 15% lower than the initially discussed range.
