ഹൈദരാബാദ് : അമേരിക്കയിലെ കാലിഫോർണിയയിലുണ്ടായ ദാരുണമായ വാഹനാപകടത്തിൽ ഹൈദരാബാദ് സെയ്ദാബാദ് വാണി നഗർ സ്വദേശികളായ ഒരു കുടുംബത്തിലെ മൂന്ന് പേർ കൊല്ലപ്പെടുകയും രണ്ടുപേർക്ക് ഗുരുതരമായി പരിക്കേൽക്കുകയും ചെയ്തു. ഹൈദരാബാദ് സ്വദേശി നാസിയ സൽമ (45), മകൾ ഹാഫിസ നേഹ ഷെയ്ഖ് (19), മകൻ ഹാഫിസ് ഒമർ (14) എന്നിവരാണ് അപകടത്തിൽ മരിച്ചത്.(Hyderabad family US accident, Three killed in California, two critically injured)
നാസിയയുടെ ഭർത്താവും ശാസ്ത്രജ്ഞനുമായ ഷെയ്ഖ് അബ്ദുൾ നവീദ്, ഇവരുടെ ഏഴ് വയസ്സുള്ള മകൾ ഖദീജ ഷെയ്ഖ് എന്നിവർ ഗുരുതര പരിക്കുകളോടെ കാലിഫോർണിയയിലെ ആശുപത്രിയിൽ ചികിത്സയിലാണ്. ഇവർ സഞ്ചരിച്ചിരുന്ന കാർ എതിർദിശയിൽ വന്ന മറ്റൊരു വാഹനവുമായി കൂട്ടിയിടിച്ചാണ് അപകടമുണ്ടായത്. അപകടത്തിൽ രണ്ടാമത്തെ വാഹനത്തിന്റെ ഡ്രൈവറും തൽക്ഷണം മരണപ്പെട്ടു.
ചൊവ്വാഴ്ച രാവിലെ മകനെ ഫോണിൽ ബന്ധപ്പെടാൻ ശ്രമിച്ചെങ്കിലും പ്രതികരണമില്ലാത്തതിനെ തുടർന്ന് കാലിഫോർണിയ പോലീസ് ഫോൺ എടുക്കുകയായിരുന്നുവെന്നും, അവരാണ് അപകട വിവരം അറിയിച്ചതെന്നും അബ്ദുൾ നവീദിന്റെ പിതാവ് അബ്ദുൾ സയീദ് പറഞ്ഞു. പരിക്കേറ്റവർക്ക് അടിയന്തര സഹായമെത്തിക്കുന്നതിനും, അടുത്ത ബന്ധുക്കൾക്ക് യു.എസിലേക്ക് യാത്ര തിരിക്കുന്നതിനായി എമർജൻസി വിസ സൗകര്യമൊരുക്കാനും കുടുംബാംഗങ്ങൾ കേന്ദ്ര-തെലങ്കാന സർക്കാരുകളോട് അഭ്യർത്ഥിച്ചു.
Story Summary
Three members of a Hyderabad family, including a mother and her two children, were killed in a tragic road accident in California, USA, while her husband and younger daughter sustained critical injuries. The family back home in Hyderabad has appealed to the Indian government to facilitate emergency travel for relatives and arrange assistance for the survivors.
