പ്ലസ്‌ടുക്കാരനായ 'ഭർത്താവ്' സ്കൂളിൽ പോയസമയത്ത് ഭർതൃ പിതാവ് ബലാത്‌സംഗം ചെയ്തു; പരാതിയുമായി യുവതി
Nov 26, 2021, 13:06 IST
ഭോപ്പാൽ: പ്ലസ്‌ടുക്കാരനായ 'ഭർത്താവ്' സ്കൂളിൽപോയ സമയത്ത് ഭർതൃ പിതാവ് തന്നെ ബലാത്‌സംഗം ചെയ്‌തെന്ന പരാതിയുമായി യുവതി രംഗത്ത്. മഹാരാഷ്ട്രയിലെ ഗുണ ജില്ലയിലെ മ്യാന പോലീസ് സ്റ്റേഷൻ അതിർത്തിയിലാണ് സംഭവം. പെൺകുട്ടിയുടെ പരാതിയിൽ ഭർതൃ പിതാവിനെതിരെ മ്യാന പോലീസ് കേസെടുത്തു.ഭർത്താവിനൊപ്പമാണ് യുവതി പരാതി നൽകാൻ പോലീസ് സ്‌റ്റേഷനിലെത്തിയത്. രാജസ്ഥാൻ സ്വദേശിനിയായ 21കാരി ഗുണയിൽ നിന്നുള്ള 22കാരനെയാണ് വിവാഹം കഴിച്ചത്. യുവതിയുടെ ഭർത്താവ് ഗുണ ടൗണിലെ സ്കൂളിൽ പന്ത്രണ്ടാം ക്‌ളാസിൽ പഠിക്കുകയാണ്. ഇയാൾ ഗ്രാമത്തിൽ നിന്ന് ദിവസവും സ്‌കൂളിലേക്ക് പോകുമായിരുന്നു. ഭർത്താവ് സ്കൂളിൽ പോയിരുന്ന സമയത്താണ് ഭർതൃപിതാവ് തന്നെ ലൈംഗീകമായി പീഡിപ്പിച്ചതെന്ന് പെൺകുട്ടി നൽകിയ പരാതിയിൽ പറയുന്നു. സംഭവം പുറത്തുപറഞ്ഞാൽ കൊല്ലുമെന്നും ഭീഷണിപ്പെടുത്തിയതായും യുവതി പറയുന്നു.അതേസമയം, പ്രതി നിയമവിരുദ്ധമായി നിരവധി ആയുധങ്ങൾ സൂക്ഷിച്ചിരുന്നു. ഇവ ഉപയോഗിച്ച് കുടുംബാംഗങ്ങളെ ഇയാൾ ഭീഷണിപ്പെടുത്തിയിരുന്നതായും പോലീസ് പറയുന്നു.