ശിവ്പുരി: 1986-ലെ ആസിഡ് ആക്രമണക്കേസിൽ ജീവപര്യന്തം ശിക്ഷയ്ക്ക് വിധിക്കപ്പെട്ട ശേഷം 37 വർഷം മുൻപ് പരോളിൽ ഇറങ്ങി ഒളിവിൽ പോയ വ്യക്തിയെ മധ്യപ്രദേശിൽ നിന്ന് അറസ്റ്റ് ചെയ്തു (Acid Attack Case). ഇയാൾ സന്യാസിയുടെ വേഷത്തിൽ ഒളിവിൽ കഴിയുകയായിരുന്നു. പ്രതിയായ രാജേഷ് എന്ന രാജുവിനെയാണ് 37 വർഷത്തെ ഒളിവ് ജീവിതത്തിന് ശേഷം മധ്യപ്രദേശിലെ ശിവ്പുരി ജില്ലയിലെ ഗായത്രി ശക്തിപീഠത്തിൽ നിന്ന് പോലീസ് അറസ്റ്റ് ചെയ്തത്.
1986 ഓഗസ്റ്റിലാണ് കേസിനാസ്പദമായ സംഭവം നടന്നത്. ഉത്തർപ്രദേശിലെ ഷാജഹാൻപൂരിൽ വച്ച് പരാതിക്കാരായ ഗംഗാദീൻ, ഓം പ്രകാശ് റസ്തോഗി എന്നിവർ ആഭരണങ്ങൾ വൃത്തിയാക്കാനുള്ള ആസിഡ് കുപ്പിയുമായി ജ്വല്ലറിയിലേക്ക് പോകുമ്പോൾ രാജേഷ് ഇവരെ തടഞ്ഞുനിർത്തി ആക്രമിക്കുകയായിരുന്നു. ആക്രമണത്തിനിടെ രാജേഷ് ആസിഡ് കുപ്പി തട്ടിയെടുത്ത് ഇരുവർക്കും നേരെ എറിഞ്ഞു.
ഐ.പി.സി. 326 (ദ്രവപദാർത്ഥം ഉപയോഗിച്ച് ഗുരുതരമായി മുറിവേൽപ്പിക്കൽ), 307 (കൊലപാതക ശ്രമം) എന്നീ വകുപ്പുകൾ പ്രകാരം കേസ് രജിസ്റ്റർ ചെയ്ത രാജേഷിന് 1988 മെയ് 30-ന് ജീവപര്യന്തം തടവും കൊലപാതക ശ്രമത്തിന് ഏഴ് വർഷം തടവും ശിക്ഷ ലഭിച്ചു.
ശിക്ഷയ്ക്ക് ശേഷം ഹൈക്കോടതിയിൽ നിന്ന് ജാമ്യം ലഭിച്ച രാജേഷ് പിന്നീട് വിചാരണ കോടതിയിൽ ഹാജരാകാതിരുന്നതിനെ തുടർന്ന് അറസ്റ്റ് വാറൻ്റ് പുറപ്പെടുവിച്ചു. പതിറ്റാണ്ടുകളോളം ഇയാൾ മധ്യപ്രദേശിലെ വിവിധ മതകേന്ദ്രങ്ങളിൽ ഒളിവിൽ താമസിച്ചു വരികയായിരുന്നു. NAFIS പോലുള്ള നൂതന നിരീക്ഷണ സംവിധാനങ്ങൾ ഉപയോഗിച്ചാണ് പ്രതിയെ പിടികൂടിയതെന്ന് എസ്.പി. രാജേഷ് ദ്വിവേദി അറിയിച്ചു. പ്രതിയെ ജുഡീഷ്യൽ കസ്റ്റഡിയിൽ വിട്ടു.
A man, Rajesh alias Raju, who was sentenced to life imprisonment in a 1986 acid attack case and had been absconding after jumping bail about 37 years ago, has been arrested from the Gayatri Shaktipith in Shivpuri, Madhya Pradesh.