ഗുരുഗ്രാം: അർദ്ധരാത്രിയിൽ മൊബൈൽ ഫോണിൽ സംസാരിച്ചതിനെച്ചൊല്ലിയുണ്ടായ തർക്കത്തിനൊടുവിൽ ഗുരുഗ്രാമിൽ ഭർത്താവ് ഭാര്യയെ ഷാൾ കഴുത്തിൽ മുറുക്കി കൊലപ്പെടുത്തി (Gurugram Kajal Devi Murder Case). ഐഎംടി മനേസർ ബാൻസ് അലിയാർ ഗ്രാമത്തിൽ താമസിക്കുന്ന ഉത്തർപ്രദേശ് മഥുര സ്വദേശിയായ നരേന്ദ്ര സിംഗ് (37) ആണ് ഭാര്യ കാജൽ ദേവിയെ (36) ക്രൂരമായി കൊലപ്പെടുത്തിയത്. സംഭവവുമായി ബന്ധപ്പെട്ട് പ്രതിയെ ഗുരുഗ്രാം പോലീസ് അറസ്റ്റ് ചെയ്തു. ബുധനാഴ്ച അർദ്ധരാത്രിയോടെ ജോലി കഴിഞ്ഞ് നരേന്ദ്ര സിംഗ് വീട്ടിലെത്തിയപ്പോൾ കാജൽ ദേവി ആരോടോ ഫോണിൽ സംസാരിക്കുന്നത് കാണുകയും, ആരുമായാണ് സംസാരിക്കുന്നതെന്ന് ചോദിച്ച് ഫോൺ ആവശ്യപ്പെടുകയുമായിരുന്നു. എന്നാൽ ഫോൺ നൽകാൻ ഭാര്യ വിസമ്മതിച്ചതോടെ ഇരുവരും തമ്മിൽ കടുത്ത വാക്കുതർക്കമുണ്ടായി. തുടർന്ന് കാജൽ ദേവിക്ക് മറ്റൊരു ബന്ധമുണ്ടെന്ന സംശയത്താൽ പ്രകോപിതനായ നരേന്ദ്രൻ, ഭാര്യയുടെ കഴുത്തിൽ ഷാൾ മുറുക്കി കൊലപ്പെടുത്തുകയായിരുന്നു.
കൊലപാതകം നടക്കുന്ന സമയത്ത് ഇവരുടെ നാല് കുട്ടികളും വീട്ടിൽ ഉറങ്ങിക്കിടക്കുകയായിരുന്നു. കൃത്യം നടത്തിയ ശേഷം സംഭവസ്ഥലത്തുനിന്നും ഓടി രക്ഷപ്പെട്ട പ്രതിയെ കെഎംപി എക്സ്പ്രസ് വേയ്ക്ക് സമീപത്തുനിന്നാണ് പോലീസ് പിടികൂടിയത്. സ്വകാര്യ കമ്പനിയിൽ തൊഴിലാളികളായി ജോലി ചെയ്തുവരികയായിരുന്നു ദമ്പതികൾ. നരേന്ദ്രൻ കുടുംബത്തിന് സാമ്പത്തിക സഹായം നൽകാതിരുന്നതിനെത്തുടർന്നാണ് കാജൽ ജോലിക്ക് പോകാൻ തുടങ്ങിയതെന്നും മുൻപും ഇയാൾ ഭാര്യയെ ഉപദ്രവിക്കാറുണ്ടായിരുന്നുവെന്നും കാജലിന്റെ ബന്ധുക്കൾ പോലീസിൽ നൽകിയ പരാതിയിൽ പറയുന്നു. കൊല്ലപ്പെട്ട യുവതിയുടെ സഹോദരിയുടെ പരാതിയുടെ അടിസ്ഥാനത്തിൽ ഐഎംടി മനേസർ പോലീസ് സ്റ്റേഷനിൽ എഫ്ഐആർ രജിസ്റ്റർ ചെയ്താണ് അന്വേഷണം നടത്തിയത്. കൊലപാതകത്തിന് ഉപയോഗിച്ച ഷാൾ പോലീസ് കണ്ടെടുത്തിട്ടുണ്ട്.
Summary: Gurugram police arrested a 37-year-old man, Narendra Singh, for allegedly strangling his 36-year-old wife, Kajal Devi, to death with a scarf following a midnight dispute over her using a mobile phone. The incident occurred in Bas Hariya village under the IMT Manesar police station limits while the couple’s four children were asleep on the roof. Singh, who suspected his wife of infidelity, fled the scene after the crime but was later apprehended near the KMP Expressway. Following a complaint registered by the victim’s family, the police recovered the murder weapon and are conducting a detailed interrogation.
