ബംഗളൂരുവിൽ ഒരു മാസത്തെ ചെലവ് 1.43 ലക്ഷം; കണക്കുകൾ നിരത്തി ഗൂഗിൾ ജീവനക്കാരി | Google Employee Bangalore Monthly Expenses

ബംഗളൂരു: ഐടി ഹബ്ബായ ബംഗളൂരുവിൽ ജീവിക്കാൻ എത്ര പണം വേണം? സോഷ്യൽ മീഡിയയിൽ ഇപ്പോൾ ചർച്ചയാകുന്നത് 24-കാരിയായ ഒരു ഗൂഗിൾ ജീവനക്കാരി പങ്കുവെച്ച ഫെബ്രുവരി മാസത്തെ തന്റെ ചെലവ് വിവരങ്ങളാണ് (Google Employee Bangalore Monthly Expenses). പൂജ നരൂല എന്ന യുവതിയാണ് തന്റെ ഇൻസ്റ്റാഗ്രാം വീഡിയോയിലൂടെ 1.43 ലക്ഷം രൂപയുടെ മാസചെലവ് കണക്കുകൾ വിശദീകരിച്ചത്.

രണ്ട് വിഭാഗങ്ങളിലായാണ് പൂജ തന്റെ ചെലവുകളെ തിരിച്ചിരിക്കുന്നത്. വാടകയും മറ്റ് അടിസ്ഥാന ആവശ്യങ്ങളും ഉൾപ്പെടുന്ന ഫിക്സഡ് കോസ്റ്റും, ജീവിതശൈലിയുമായി ബന്ധപ്പെട്ട ലൈഫ്‌സ്‌റ്റൈൽ കോസ്റ്റും. വീട്ടുവാടകയായി 22,400 രൂപയും, പാചകക്കാരനും വീട്ടുജോലിക്കാരനുമായി 2,800 രൂപയും, വൈദ്യുതിക്കും മറ്റുമായി 2,000 രൂപയുമാണ് ചെലവായത്. വീക്കെൻഡ് പാർട്ടികൾക്കായി ആഴ്ചയിൽ 2,000 രൂപ വീതം മാസം 8,000 രൂപയും ഇവർ ചെലവാക്കി.

 

View this post on Instagram

 

A post shared by Pooja Narula (@pooja__narula)

ഫെബ്രുവരിയിലെ അധികച്ചെലവുകൾ:

ഫെബ്രുവരിയിൽ ഉണ്ടായ ചില ഒറ്റത്തവണ ചെലവുകളാണ് തുക വർദ്ധിപ്പിച്ചത്. വീട് മാറിയപ്പോൾ നൽകേണ്ടി വന്ന 66,600 രൂപയുടെ സെക്യൂരിറ്റി ഡിപ്പോസിറ്റും 3,000 രൂപയുടെ പാക്കിംഗ് ചാർജും ഇതിൽ പ്രധാനമാണ്. നാട്ടിലേക്ക് പോകാനായി 16,000 രൂപയുടെ വിമാന ടിക്കറ്റും സമ്മാനങ്ങൾക്കും ഭക്ഷണത്തിനുമായി 20,000 രൂപയും ഇവർ മാറ്റി വെച്ചു. ഐടി നഗരങ്ങളിലെ ഉയർന്ന ജീവിതച്ചെലവിനെക്കുറിച്ചും പണം കൈകാര്യം ചെയ്യേണ്ട രീതിയെക്കുറിച്ചും വീഡിയോയ്ക്ക് താഴെ വലിയ ചർച്ചകളാണ് നടക്കുന്നത്.