ന്യൂഡൽഹി: ഇന്ത്യൻ രാഷ്ട്രീയ രംഗത്തെയും സമൂഹമാധ്യമ നിരീക്ഷകരെയും ഒരേപോലെ ഞെട്ടിച്ചുകൊണ്ട്, രാജ്യത്തെ ഭരണകക്ഷിയായ ഭാരതീയ ജനതാ പാർട്ടിയുടെ ഔദ്യോഗിക ഇൻസ്റ്റഗ്രാം പേജിനെ ഫോളോവേഴ്സിന്റെ എണ്ണത്തിൽ മറികടന്ന് പുതിയ പരിഹാസ രാഷ്ട്രീയ കൂട്ടായ്മ. ‘കോക്രോച്ച് ജനതാ പാർട്ടി’ എന്ന് പേരിട്ടിരിക്കുന്ന ഈ ഡിജിറ്റൽ മുന്നേറ്റം ആരംഭിച്ച് ദിവസങ്ങൾക്കകമാണ് കോടിക്കണക്കിന് ഫോളോവേഴ്സുള്ള ബിജെപിയെ പിന്നിലാക്കിയത്.(Cockroach Janata Party Instagram, Satirical Cockroach Janata Party Overtakes Ruling BJP On Instagram Followers)
“യുവാക്കളുടെ, യുവാക്കളാൽ, യുവാക്കൾക്ക് വേണ്ടിയുള്ള ഒരു രാഷ്ട്രീയ മുന്നണി” എന്ന ബയോയോടെ ഇൻസ്റ്റഗ്രാമിൽ സജീവമായ സി.ജെ.പി നിലവിൽ 9 മില്യൺ ഫോളോവേഴ്സ് എന്ന നാഴികക്കല്ല് പിന്നിട്ടു. ബിജെപിയുടെ ഔദ്യോഗിക ഇൻസ്റ്റഗ്രാം ഹാൻഡിലിന് നിലവിൽ ഏകദേശം 8.7 മില്യൺ ഫോളോവേഴ്സാണുള്ളത്. വെറുമൊരു ഇന്റർനെറ്റ് തമാശയായി തുടങ്ങിയ ഈ കൂട്ടായ്മ, ചുരുങ്ങിയ ദിവസങ്ങൾക്കുള്ളിൽ രാജ്യത്തെ തൊഴിലില്ലായ്മ, പരീക്ഷാ പേപ്പർ ചോർച്ച, രാഷ്ട്രീയക്കാരുടെ ഉത്തരവാദിത്തമില്ലായ്മ എന്നിവയ്ക്കെതിരെയുള്ള യുവാക്കളുടെ വലിയൊരു പ്രതിഷേധ കേന്ദ്രമായി മാറിയിരിക്കുകയാണ്.
മഹാരാഷ്ട്രയിലെ ഔറംഗബാദ് സ്വദേശിയായ മുപ്പതുകാരൻ അഭിജീത് ദിപ്കെയാണ് ഈ വേറിട്ട രാഷ്ട്രീയ പ്രചാരണത്തിന് പിന്നിൽ. അമേരിക്കയിലെ ബോസ്റ്റൺ സർവകലാശാലയിൽ നിന്ന് പബ്ലിക് റിലേഷൻസിൽ ബിരുദാനന്തര ബിരുദം നേടിയയാളാണ് അഭിജീത്. സുപ്രീം കോടതി ചീഫ് ജസ്റ്റിസ് സൂര്യകാന്ത് നടത്തിയ ഒരു കോടതി പരാമർശമാണ് ഇത്തരമൊരു കാമ്പെയ്ൻ തുടങ്ങാൻ അഭിജീതിന് പ്രചോദനമായത്.
Story Summary
The “Cockroach Janata Party” (CJP), a satirical digital movement founded by 30-year-old Abhijeet Dipke, has stunned political observers by surpassing the ruling BJP in Instagram followers, reaching 9 million users. Sparked by a misinterpreted court observation by Chief Justice Surya Kant, the platform has evolved from an internet joke into a major hub for youth protest against unemployment and exam leaks.
