കൊൽക്കത്ത: തൃണമൂൽ കോൺഗ്രസ് (TMC) ദേശീയ ജനറൽ സെക്രട്ടറി അഭിഷേക് ബാനർജിക്ക് താൽക്കാലിക ആശ്വാസം (Calcutta high court Abhishek banerjee). അഭിഷേക് ബാനർജിയുടെ എംപി ഓഫീസ് കെട്ടിടം പൊളിച്ചുനീക്കുന്ന നടപടികൾ അടിയന്തരമായി നിർത്തിവെക്കാൻ കൊൽക്കത്ത ഹൈക്കോടതി നിർദേശിച്ചു.
സൗത്ത് 24 പർഗാനാസ് ജില്ലയിലെ അംതാലയിലുള്ള ഓഫീസ് കെട്ടിടം അനധികൃതമായി നിർമിച്ചതാണെന്ന് ആരോപിച്ചായിരുന്നു ശനിയാഴ്ച പ്രാദേശിക ഭരണകൂടം പൊളിക്കൽ നടപടികൾ ആരംഭിച്ചത്. ഇതിനെതിരെ സമർപ്പിച്ച ഹർജിയിലാണ് ഹൈക്കോടതിയുടെ ഇടപെടൽ. കേസ് കോടതി വീണ്ടും പരിഗണിക്കുന്നത് വരെ നിലവിലെ സ്ഥിതി (Status Quo) അതുപോലെ തന്നെ തുടരാൻ ബന്ധപ്പെട്ട എല്ലാ കക്ഷികൾക്കും ജസ്റ്റിസ് നിർദേശം നൽകി. കൂടാതെ, ഓഫീസ് നിർമാണവുമായി ബന്ധപ്പെട്ട മുഴുവൻ രേഖകളും റഗുലർ ബെഞ്ചിന് മുൻപാകെ ഹാജരാക്കാനും പ്രാദേശിക അധികാരികളോട് കോടതി ആവശ്യപ്പെട്ടിട്ടുണ്ട്.
Story Summary: The Calcutta High Court has ordered an immediate stay on the demolition of TMC National General Secretary Abhishek Banerjee’s MP office in Amtala, South 24 Parganas. The court directed all parties to maintain the status quo until the regular bench reviews all related property documents.
