കൊൽക്കത്ത: പശ്ചിമ ബംഗാൾ നിയമസഭാ തിരഞ്ഞെടുപ്പിന്റെ രണ്ടാം ഘട്ട വോട്ടെടുപ്പിൽ കനത്ത പോളിംഗ്. രാവിലെ 11 മണി വരെയുള്ള കണക്കുകൾ പ്രകാരം സംസ്ഥാനത്ത് ഏകദേശം 40 ശതമാനം പോളിംഗ് രേഖപ്പെടുത്തി ( Bengal Voter Turnout 11 AM). മുഖ്യമന്ത്രി മമത ബാനർജിയും ബിജെപിയുടെ സുവേന്ദു അധികാരിയും ഏറ്റുമുട്ടുന്ന ഭവാനിപൂർ ഉൾപ്പെടെയുള്ള 142 മണ്ഡലങ്ങളിലാണ് ഇന്ന് വോട്ടെടുപ്പ് നടക്കുന്നത്.
തൃണമൂൽ കോൺഗ്രസ് എംപി അഭിഷേക് ബാനർജിയുടെ തട്ടകമായ ഡയമണ്ട് ഹാർബറിലെ ഫാൽട്ടയിൽ വോട്ടിംഗ് യന്ത്രത്തിൽ ബിജെപിയുടെ ചിഹ്നത്തിന് മുകളിൽ ടേപ്പ് ഒട്ടിച്ച് വോട്ട് തടഞ്ഞതായി ബിജെപി ആരോപിച്ചു. ഇതാണ് ‘ഡയമണ്ട് ഹാർബർ മോഡൽ’ എന്ന് ബിജെപി ഐടി സെൽ മേധാവി അമിത് മാളവ്യ പരിഹസിച്ചു. ഈ ബൂത്തുകളിൽ റീപോളിംഗ് വേണമെന്ന് ബിജെപി ആവശ്യപ്പെട്ടു.
ഡൽഹിയിലെ തിരഞ്ഞെടുപ്പ് കമ്മീഷൻ ആസ്ഥാനത്ത് വലിയ സ്ക്രീനുകളിലൂടെ ബംഗാളിലെ വോട്ടെടുപ്പ് തത്സമയം നിരീക്ഷിക്കുന്നുണ്ട്. ഏഴ് ജില്ലകളിലായി പടർന്നുകിടക്കുന്ന 142 സീറ്റുകളിലേക്കാണ് വോട്ടെടുപ്പ്. 2021-ൽ ഇതിൽ 123 സീറ്റുകൾ തൃണമൂലും 18 സീറ്റുകൾ ബിജെപിയുമാണ് നേടിയിരുന്നത്. രണ്ടാം ഘട്ടത്തോടെ ബംഗാൾ നിയമസഭാ തിരഞ്ഞെടുപ്പ് പൂർത്തിയാകും. മെയ് മാസത്തിൽ ഫലം പുറത്തുവരും.
Summary: West Bengal recorded nearly 40% voter turnout by 11 AM during the second and final phase of the 2026 Assembly elections. While voting progressed in 142 constituencies, including the high-profile Bhabanipur seat, BJP alleged election malpractice in the Diamond Harbour area, claiming its symbol on EVMs was covered with tape. CPI(M) leader Mohammad Salim and other prominent figures cast their votes as the ECI closely monitors the polls.
