തിരുവനന്തപുരം: സംസ്ഥാനത്തെ ഐ.എച്ച്.ആര്.ഡി. അപ്ലൈഡ് സയൻസ് കോളേജുകളിൽ പഠിക്കുന്ന നാലുവർഷ ബിരുദ വിദ്യാർഥികൾക്ക് പ്രായോഗിക തൊഴിൽ നൈപുണ്യം നേടിയെടുക്കാൻ അവസരം (IHRD Internship 2026). ആർട്ടിഫിഷ്യൽ ഇന്റലിജൻസ് (AI) മുതൽ കണ്ടന്റ് റൈറ്റിങ് വരെയുള്ള വൈവിധ്യമാർന്ന വിഷയങ്ങളിലാണ് ഇന്റേൺഷിപ്പ് ലഭ്യമാകുന്നത്.
നിർമ്മിത ബുദ്ധി (AI), ഇൻറർനെറ്റ് ഓഫ് തിങ്സ് (IoT), മെഷീൻ ലേണിങ്, കണ്ടന്റ് റൈറ്റിങ്, എക്സിക്യൂട്ടീവ് കമ്മ്യൂണിക്കേഷൻ തുടങ്ങി 117 വ്യത്യസ്ത മേഖലകളിൽ പരിശീലനം ലഭിക്കും. രാജ്യത്തിനകത്തും പുറത്തുമുള്ള തൊഴിൽ മേഖലകളിൽ വിദ്യാർഥികൾക്ക് ആവശ്യമായ പ്രാവീണ്യം ഉറപ്പാക്കുക.
നാലുവർഷ ബിരുദ പ്രോഗ്രാമുകളുടെ ഭാഗമായ വിദ്യാർഥികൾക്ക് ഈ അവസരം പ്രയോജനപ്പെടുത്താം. താത്പര്യമുള്ള വിദ്യാർഥികൾ തങ്ങളുടെ തൊട്ടടുത്തുള്ള ഐ.എച്ച്.ആര്.ഡി. അപ്ലൈഡ് സയൻസ് കോളേജുമായി നേരിട്ട് ബന്ധപ്പെട്ട് കൂടുതൽ വിവരങ്ങൾ മനസ്സിലാക്കേണ്ടതാണ്. ഓരോ കോളേജുകളിലും ലഭ്യമായ സീറ്റുകളുടെയും വിഷയങ്ങളുടെയും അടിസ്ഥാനത്തിലായിരിക്കും പ്രവേശനം.
പുതിയ വിദ്യാഭ്യാസ നയത്തിന്റെ ഭാഗമായുള്ള പ്രായോഗിക പഠനത്തിന് (Practical Learning) വലിയ മുൻഗണന നൽകുന്നതാണ് ഈ പദ്ധതി.
Story Summary: IHRD is offering internship opportunities for four-year degree students across its Applied Science Colleges in Kerala. The program covers 117 subjects, including AI, IoT, Machine Learning, Content Writing, and Executive Communication. Aimed at making students job-ready for national and international markets, the internships focus on skill development. Interested students are advised to contact their nearest IHRD Applied Science College.
