അയോധ്യ: രാമക്ഷേത്രത്തിലേക്ക് ലഭിച്ച സംഭാവനകളിൽ വൻ ക്രമക്കേട് നടന്നതായി ആരോപണം ഉയർന്ന സാഹചര്യത്തിൽ പ്രത്യേക അന്വേഷണ സംഘം അന്വേഷണം ഊർജ്ജിതമാക്കി. ക്ഷേത്ര ട്രസ്റ്റ് അംഗങ്ങളടക്കം 17 പേരെ പ്രതിചേർത്താണ് കേസ് രജിസ്റ്റർ ചെയ്തിരിക്കുന്നത്. വിഎച്ച്പി ഉപാധ്യക്ഷനും ട്രസ്റ്റ് ജനറൽ സെക്രട്ടറിയുമായ ചമ്പത് റായിക്കെതിരെയും കേസെടുക്കാൻ സാധ്യതയുള്ളതായി റിപ്പോർട്ടുകളുണ്ട്.(Ayodhya Ram Temple, SIT Intensifies Probe Into Financial Irregularities)
തുടർനടപടികളുടെ ഭാഗമായി എസ്ഐടി വീണ്ടും അയോധ്യയിലെത്തി പരിശോധന നടത്തി. ചമ്പത് റായിയുടെ അടുത്ത അനുയായി രാംശങ്കർ യാദവിന്റെ കൈവശം നിന്ന് സംഭാവനപ്പെട്ടികളുടെ താക്കോലുകൾ പിടിച്ചെടുത്തത് കേസിൽ നിർണ്ണായകമായി. പണത്തിന് പുറമെ സ്വർണ്ണവും വെള്ളിയും ഉൾപ്പെടെ വിലപിടിപ്പുള്ള വസ്തുക്കൾ സംഭാവനയായി ലഭിച്ചിട്ടും ഇവയ്ക്കൊന്നും കൃത്യമായ രേഖകൾ സൂക്ഷിച്ചിട്ടില്ല.
സംഭാവനകൾ എണ്ണിത്തിട്ടപ്പെടുത്തുന്നതിലും രേഖപ്പെടുത്തുന്നതിലും വ്യാപകമായ കൃത്രിമം നടന്നിട്ടുണ്ടെന്ന് അന്വേഷണ സംഘം സ്ഥിരീകരിച്ചു. ക്രമക്കേടുകളുടെ പശ്ചാത്തലത്തിൽ നിലവിലെ ക്ഷേത്ര ട്രസ്റ്റ് പിരിച്ചുവിട്ട് പുനഃസംഘടിപ്പിക്കണമെന്ന് എസ്ഐടി പ്രാഥമിക റിപ്പോർട്ടിൽ ശുപാർശ ചെയ്തു. തുടർന്ന് ക്ഷേത്രത്തിൽ സുരക്ഷ കർശനമാക്കുകയും സംഭാവന എണ്ണുന്ന വിഭാഗത്തിലെ 40 ജീവനക്കാരെ മാറ്റുകയും ചെയ്തു. പണം എണ്ണുമ്പോൾ കർശനമായ സുരക്ഷാ മാനദണ്ഡങ്ങൾ പാലിക്കാനും, മുഴുവൻ നടപടികളും വിഡിയോയിൽ പകർത്തി സൂക്ഷിക്കാനും നിർദേശം നൽകിയിട്ടുണ്ട്.
Story Summary
The Special Investigation Team (SIT) has intensified its probe into alleged financial irregularities regarding donations at the Ayodhya Ram Temple, naming 17 individuals, including trust members, as suspects. Following the discovery of missing records for gold, silver, and substantial cash donations, investigators have recommended the restructuring of the temple trust and have implemented stringent new security protocols for counting offerings.
