അയോധ്യ രാമക്ഷേത്രത്തിലെ സംഭാവന തിരിമറി വിവാദത്തിലും രാജ്യത്തെ വർദ്ധിച്ചുവരുന്ന അഴിമതിയിലും രൂക്ഷമായ വിമർശനവുമായി അല്ലാഹാബാദ് ഹൈക്കോടതി (Allahabad High Court On Ram Temple Donation Theft). അഴിമതി എന്നത് സമൂഹത്തിൽ സാധാരണവൽക്കരിക്കപ്പെട്ടിരിക്കുന്നുവെന്നും രാമക്ഷേത്രത്തിലെ സംഭാവനകൾ പോലും മോഷ്ടിക്കപ്പെടുന്നത് ഇന്ത്യക്കാരുടെ സമഗ്രതയുടെ ഏറ്റവും താഴ്ന്ന നിലയെയാണ് കാണിക്കുന്നതെന്നും ജസ്റ്റിസ് അതുൽ ശ്രീധരൻ നിരീക്ഷിച്ചു. അഴിമതി കേസിൽ കുറ്റക്കാരായി കാണുന്നവർക്ക് വധശിക്ഷ ഉറപ്പാക്കുന്ന രീതിയിൽ നിയമങ്ങളിൽ ഭേദഗതി വരുത്തണമെന്നും കോടതി സർക്കാരിന് നിർദ്ദേശം നൽകി.
ബുൾഡോസർ നടപടികളുമായി ബന്ധപ്പെട്ട ഒരു വിധിന്യായത്തിനിടയിലാണ് കോടതിയുടെ ഈ സുപ്രധാന നിരീക്ഷണങ്ങൾ ഉണ്ടായത്. നിയമവിരുദ്ധ നിർമ്മാണങ്ങൾക്ക് ഒത്താശ ചെയ്യുന്ന ഉദ്യോഗസ്ഥരെയും രാഷ്ട്രീയ നേതാക്കളെയും കോടതി വിമർശിച്ചു. ഇന്ത്യയിലെ അഴിമതി രാജ്യത്തിന്റെ സുസ്ഥിരതയെ ബാധിക്കുന്നതാണെന്നും, അഴിമതി തടയുന്നതിനായി അടിയന്തരമായി പ്രിവൻഷൻ ഓഫ് കറപ്ഷൻ ആക്ട് ഭേദഗതി ചെയ്ത് കടുത്ത ശിക്ഷാ നടപടികൾ ഉൾപ്പെടുത്തണമെന്നും ജഡ്ജി ആവശ്യപ്പെട്ടു. ട്രാൻസ്പരൻസി ഇന്റർനാഷണൽ റിപ്പോർട്ടുകൾ ചൂണ്ടിക്കാണിച്ച കോടതി, അഴിമതിക്കെതിരെ ശക്തമായ നിയമനിർമ്മാണം നടത്തിയില്ലെങ്കിൽ അത് വലിയ സാമൂഹിക പ്രക്ഷോഭങ്ങൾക്ക് വഴിവെക്കുമെന്നും മുന്നറിയിപ്പ് നൽകി.
Summary: Justice Atul Sreedharan of the Allahabad High Court has strongly condemned the alleged embezzlement of donations at the Ram temple in Ayodhya, stating it reflects the nadir of Indian integrity. Delivering observations in a split verdict regarding bulldozer demolitions, the judge expressed deep concern over normalized systemic corruption and suggested amending the Prevention of Corruption Act to introduce the death penalty for corruption convicts.
