പശ്ചിമബംഗാളിൽ തൃണമൂൽ കോൺഗ്രസിന്റെ നേതൃത്വത്തിലുള്ള മന്ത്രിസഭ അഴിച്ചുപണിയുന്നു
പശ്ചിമബംഗാളിൽ തൃണമൂൽ കോൺഗ്രസിന്റെ നേതൃത്വത്തിലുള്ള മന്ത്രിസഭ അഴിച്ചുപണിയുന്നു. പാർഥ ചാറ്റർജി സ്കൂൾ നിയമന അഴിമതിക്കേസിൽ അറസ്റ്റിലായതിനെത്തുടർന്നുള്ള പ്രതിച്ഛായാനഷ്ടം നികത്താൻ ആണിത്.
സംഘടനാതലത്തിലും വലിയ മാറ്റങ്ങൾ അടുത്തവർഷം നടക്കുന്ന തദ്ദേശസ്വയംഭരണ തെരഞ്ഞെടുപ്പ് പരിഗണിച്ച് തൃണമൂൽ നേതൃത്വം പ്രഖ്യാപിച്ചു. മന്ത്രിമാർക്കുൾപ്പെടെ സംഘടനയുടെ ചുമതല നൽകിയിട്ടുണ്ട്. സ്വന്തം ജില്ലകളുടെ സംഘടനാ ചുമതലകൾ മന്ത്രി അസിമ പാർഥ, സൗമിൻ മഹാപത്ര എന്നിവർക്ക് നൽകി.
വടക്കൻ കോൽക്കത്ത, ഡംഡം എന്നിവിടങ്ങളിലെ സംഘടനാ ചുമതലകൾ മന്ത്രിസഭയിൽ ഇടംനേടുമെന്ന് കരുതിയിരുന്ന തപസ് റേ, പാർഥ ഭൗമിക് എന്നിവർക്ക് നൽകി. അഴിച്ചുപണിയിൽ പ്രതിഫലിച്ചിരിക്കുന്നത് പ്രവർത്തിക്കാത്തവരെ ഒഴിവാക്കുക എന്ന തൃണമൂൽ ദേശീയ ജനറൽ സെക്രട്ടറി അഭിഷേക് ബാനർജിയുടെ നിലപാടാണ്.