എൻ.ടി. രാമറാവുവിന്റെ മകൾ ഉമാ മഹേശ്വരിയെ മരിച്ചനിലയിൽ കണ്ടെത്തി
Aug 2, 2022, 06:20 IST
ഹൈദരാബാദ്: ഹൈദരാബാദ് ജൂബിലി ഹില്ലിലെ വസതിയിൽ എൻ.ടി. രാമറാവുവിന്റെ മകൾ ഉമാ മഹേശ്വരിയെ മരിച്ചനിലയിൽ കണ്ടെത്തി. തെലുങ്കുദേശം പാർട്ടി സ്ഥാപകനും ആന്ധ്രപ്രദേശ് മുൻമുഖ്യമന്ത്രിയുമായ എൻ.ടി. രാമറാവുവിന്റെ മകൾ ജീവനൊടുക്കിയതാണെന്നാണ് പ്രാഥമിക നിഗമനം.
ഇവർ ഏറെനാളായി വിഷാദരോഗത്തിന് ചികിത്സതേടിയിരുന്നതായി സൂചനകളുണ്ട്. അതേസമയം ആത്മഹത്യാകുറിപ്പ് കണ്ടെത്തിയിട്ടില്ലെന്ന് ഹൈദരാബാദ് പോലീസ് കമ്മീഷണർ സി.വി. ആനന്ദ് പറഞ്ഞു. ഉമാമഹേശ്വരി എൻടിആറിന്റെ പന്ത്രണ്ട് മക്കളിൽ ഇളയയാളാണ്.