മനേസർ: മറ്റൊരു സമുദായത്തിൽപ്പെട്ട യുവാവുമായുള്ള പ്രണയബന്ധത്തിന്റെ പേരിൽ 19-കാരിയായ സഹോദരിയെ സഹോദരനും സുഹൃത്തും ചേർന്ന് കൊലപ്പെടുത്തി (Murder). പെൺകുട്ടിയെ ക്രൂരമായ ലൈംഗിക അതിക്രമത്തിന് ഇരയാക്കിയ ശേഷമാണ് ശ്വാസംമുട്ടിച്ച് കൊലപ്പെടുത്തിയത്. സംഭവത്തിൽ സഹോദരൻ (28), ഇയാളുടെ സുഹൃത്ത് (30) എന്നിവരെ പോലീസ് അറസ്റ്റ് ചെയ്തു.
ഉത്തർപ്രദേശിലെ ഏഠ സ്വദേശികളായ ഇവർ മനേസറിലാണ് താമസിച്ചിരുന്നത്. സഹോദരി മറ്റൊരു സമുദായത്തിലെ യുവാവുമായി പ്രണയത്തിലായതും അയാളെ വിവാഹം കഴിക്കാൻ ആഗ്രഹിച്ചതുമാണ് സഹോദരനെ പ്രകോപിപ്പിച്ചത്. നവംബറിൽ പെൺകുട്ടിയെ നാട്ടിലേക്ക് അയച്ചെങ്കിലും അവൾ തിരികെ വന്ന് കാമുകനൊപ്പം താമസം തുടർന്നത് പക വർദ്ധിപ്പിച്ചു. സഹോദരിയെ കൊലപ്പെടുത്താൻ സഹോദരൻ തന്റെ സുഹൃത്തിന് ക്വട്ടേഷൻ നൽകുകയായിരുന്നു. വിവാഹം കഴിക്കാൻ സഹായിക്കാമെന്ന് വിശ്വസിപ്പിച്ച് സുഹൃത്ത് പെൺകുട്ടിയെ ഡിസംബർ 10-ന് വിളിച്ചുവരുത്തുകയായിരുന്നു. തുടർന്ന് ഗ്വാളിയോറിലെ വിജനമായ സ്ഥലത്തെത്തിച്ച് ക്രൂരമായി ബലാത്സംഗം ചെയ്തു.
ബലാത്സംഗത്തെ എതിർത്ത പെൺകുട്ടിയെ ഷാൾ ഉപയോഗിച്ച് ശ്വാസംമുട്ടിച്ച് കൊലപ്പെടുത്തുകയും മൃതദേഹം പാടത്തെ അവശിഷ്ടങ്ങൾക്കിടയിൽ ഒളിപ്പിക്കുകയും ചെയ്തു. തുടക്കത്തിൽ പെൺകുട്ടിയുടെ കാമുകനെ കുടുക്കാൻ സഹോദരൻ ശ്രമിച്ചെങ്കിലും പോലീസിന്റെ വിശദമായ ചോദ്യം ചെയ്യലിൽ പ്രതികൾ കുറ്റം സമ്മതിക്കുകയായിരുന്നു. ഭാരതീയ ന്യായ സംഹിത പ്രകാരം കൊലപാതകം, ഗൂഢാലോചന തുടങ്ങിയ വകുപ്പുകൾ പ്രകാരം കേസ് രജിസ്റ്റർ ചെയ്തു.
In a horrific case of honour killing in Manesar, Haryana, a 28-year-old man hired his friend to rape and murder his 19-year-old sister for pursuing an inter-community relationship. The victim was lured by the friend under the pretext of helping her elope, taken to an isolated spot in Gwalior, sexually assaulted, and strangled to death. Police arrested both suspects after the brother confessed to the conspiracy during interrogation.