തിരുവനന്തപുരം: സംസ്ഥാനത്തെ സർക്കാർ ഓഫീസുകളുടെ പ്രവൃത്തി ദിനങ്ങൾ ആഴ്ചയിൽ അഞ്ച് ദിവസമാക്കി ക്രമീകരിക്കുന്നത് ചർച്ച ചെയ്യാൻ ചീഫ് സെക്രട്ടറി വിളിച്ച സർവീസ് സംഘടനകളുടെ യോഗം ഇന്ന് നടക്കും. രാവിലെ 10 മണിക്ക് ഓൺലൈനായാണ് യോഗം നിശ്ചയിച്ചിരിക്കുന്നത്. ഓരോ സംഘടനയിൽ നിന്നും ഒരു പ്രതിനിധി വീതം യോഗത്തിൽ പങ്കെടുക്കും.(Will government employees have a 5-day work week? Chief Secretary calls crucial meeting today)
പ്രവൃത്തി ദിനം അഞ്ചാക്കി കുറയ്ക്കുന്നതിനോട് എല്ലാ സർവീസ് സംഘടനകളും പൊതുവേ അനുകൂല നിലപാടാണ് സ്വീകരിച്ചിരിക്കുന്നത്. എന്നാൽ ചില വ്യവസ്ഥകളിൽ ഇപ്പോഴും ധാരണയായിട്ടില്ല.
വൃത്തി ദിനം കുറയ്ക്കുന്നതിന് പകരമായി ദിവസവും ഒരു മണിക്കൂർ ജോലി സമയം ദീർഘിപ്പിക്കണമെന്നാണ് ശമ്പള കമ്മീഷന്റെയും ഭരണ പരിഷ്കാര കമ്മീഷന്റെയും ശുപാർശ. ഇതിനോട് സംഘടനകൾക്ക് വലിയ എതിർപ്പില്ല. നിലവിലുള്ള പൊതു അവധി ദിവസങ്ങളിൽ കുറവ് വരുത്തണമെന്ന നിർദേശത്തെ സംഘടനകൾ ശക്തമായി എതിർക്കുന്നു.
സംസ്ഥാന സർക്കാർ ജീവനക്കാർ കാലങ്ങളായി ഉന്നയിക്കുന്ന ആവശ്യമാണിത്. ബാങ്ക് ജീവനക്കാരുടെ പ്രവൃത്തി ദിനം അഞ്ചാക്കി മാറ്റാനുള്ള നടപടികൾ കേന്ദ്ര തലത്തിൽ പുരോഗമിക്കുന്ന പശ്ചാത്തലത്തിൽ കൂടിയാണ് സംസ്ഥാനത്തെ നീക്കം.
