വയനാട്: വയനാട്ടിൽ ഷിഗെല്ല ബാധയെത്തുടർന്ന് കടുത്ത ജാഗ്രതയിൽ ആരോഗ്യവകുപ്പ്. ജില്ലയിൽ ഇതുവരെ 9 പേർക്കാണ് രോഗം സ്ഥിരീകരിച്ചത്. ഇന്നലെ ഒരാൾക്ക് കൂടി രോഗം സ്ഥിരീകരിച്ച സാഹചര്യത്തിൽ, രോഗലക്ഷണങ്ങളുള്ള കൂടുതൽ കുട്ടികളുടെ പരിശോധനാഫലം ഇന്ന് ലഭ്യമാകും.(Wayanad Shigella Outbreak Health Alert And School Holidays)
കോളിയാടി സ്കൂളിലെ 502 വിദ്യാർത്ഥികൾക്കാണ് ഇതുവരെ രോഗലക്ഷണങ്ങൾ കണ്ടെത്തിയത്. ഇതിൽ 47 പേർ ഇപ്പോഴും ആശുപത്രികളിൽ ചികിത്സയിൽ തുടരുന്നു. രോഗവ്യാപനം തടയുന്നതിന്റെ ഭാഗമായി സുൽത്താൻ ബത്തേരി നഗരസഭയിലും സമീപത്തെ മൂന്ന് പഞ്ചായത്തുകളിലും സ്കൂളുകൾക്ക് അവധി പ്രഖ്യാപിച്ചിട്ടുണ്ട്.
കുട്ടികളുടെ സുരക്ഷ കണക്കിലെടുത്ത് രക്ഷിതാക്കൾ ജാഗ്രത പാലിക്കണമെന്ന് ആരോഗ്യവകുപ്പ് കർശന നിർദ്ദേശം നൽകി. കുട്ടികളെ പൊതുപരിപാടികളിൽ പങ്കെടുപ്പിക്കുന്നതും പുറത്തേക്ക് കൊണ്ടുപോകുന്നതും ഒഴിവാക്കണമെന്നും, എന്തെങ്കിലും ശാരീരിക അസ്വസ്ഥതകൾ കണ്ടാൽ ഉടൻ ചികിത്സ തേടണമെന്നും അധികൃതർ അറിയിച്ചു.
Story Summary
Wayanad is on high alert as the Shigella outbreak continues, with 9 confirmed cases and over 500 students reporting symptoms in Koliyadi. Local authorities have declared school holidays in three panchayats and Sultan Bathery municipality while implementing strict preventive measures to curb further spread.
