വടകര വിലങ്ങാട് വനമേഖലയിൽ കുടുങ്ങിയ മൂന്ന് യുവാക്കളെ വനം വകുപ്പ് സംഘം കണ്ടെത്തി (Vilangad Forest Missing Youths Found). വാളൂക്ക് അത്തായ കൊത്ത് എന്ന സ്ഥലത്ത് നിന്നാണ് ഇവരെ കണ്ടെത്തിയത്. വടകര ചോറോട് സ്വദേശികളാണ് യുവാക്കൾ എന്നാണ് പ്രാഥമിക നിഗമനം. വനത്തിൽ അകപ്പെട്ട യുവാക്കളെ സുരക്ഷിതമായി പുറത്തെത്തിക്കാനുള്ള നടപടികൾ വനം വകുപ്പ് ഉദ്യോഗസ്ഥർ ആരംഭിച്ചിട്ടുണ്ട്. യുവാക്കളെ പുറത്തെത്തിച്ച ശേഷം സംഭവത്തെക്കുറിച്ച് വിശദമായ അന്വേഷണം നടത്തുമെന്ന് അധികൃതർ അറിയിച്ചു.
വിലങ്ങാട് വാളൂക്ക് വനത്തിന് സമീപം യുവാക്കളുടേതെന്ന് സംശയിക്കുന്ന ബൈക്ക് ഉപേക്ഷിക്കപ്പെട്ട നിലയിൽ കണ്ടെത്തിയതോടെയാണ് തിരച്ചിൽ ആരംഭിച്ചത്. നാട്ടുകാർ വിവരമറിയിച്ചതിനെത്തുടർന്ന് പൊലീസും വനം വകുപ്പും സംയുക്തമായി വനത്തിനുള്ളിൽ പരിശോധന നടത്തുകയായിരുന്നു. ഇവർ എങ്ങനെ വനത്തിനുള്ളിൽ കുടുങ്ങി എന്നത് അടക്കമുള്ള കാര്യങ്ങൾ യുവാക്കളെ ചോദ്യം ചെയ്ത ശേഷം മാത്രമേ വ്യക്തമാകൂ.
Summary: The three youths who went missing in the Vilangad forest area near Varkala have been located by the forest department team. They were found in the ‘Valook Athaya Koth’ region. The youths, suspected to be from Chorode, Vadakara, are currently being escorted out of the forest by officials. The search operation was initiated after local residents spotted a bike near the forest edge and alerted the police. Authorities will conduct a detailed inquiry into the incident once the youths are safely brought back.
