കൊച്ചി: അമ്മ സംഘടനയിൽ തനിക്ക് നേരിടേണ്ടി വന്ന ദുരനുഭവങ്ങളെക്കുറിച്ചും സൈബർ ആക്രമണങ്ങളെക്കുറിച്ചും നടി അൻസിബ ഹസ്സൻ തുറന്നുപറഞ്ഞതിന് പിന്നാലെ, മോഹൻലാലിനൊപ്പമുള്ള ചിത്രം പങ്കുവെച്ച് താരം (Ansiba Hassan picture with Mohanlal). “ഓൺസ്ക്രീനിലും ഓഫ് സ്ക്രീനിലും ആ സ്നേഹവും കരുതലും” എന്ന കുറിപ്പോടെയാണ് അൻസിബ മോഹൻലാലിനൊപ്പമുള്ള ചിത്രം സോഷ്യൽ മീഡിയയിൽ പങ്കുവെച്ചത്. താൻ നേരത്തെ കുറിച്ച പോസ്റ്റിൽ പരാമർശിച്ച ‘മഹാനടൻ’ മോഹൻലാൽ അല്ലെന്നുള്ള വ്യക്തമായ സൂചനയാണ് ഈ ചിത്രത്തിലൂടെ താരം നൽകുന്നതെന്നാണ് ആരാധകർ വിലയിരുത്തുന്നത്.
താൻ നേരിട്ട ആസൂത്രിതമായ തേജോവധത്തെക്കുറിച്ചും മതപരമായ അതിക്രമങ്ങളെക്കുറിച്ചും അൻസിബ നേരത്തെ തുറന്നെഴുതിയിരുന്നു. ലക്ഷങ്ങൾ ചെലവാക്കി പിആർ ഏജൻസികളെ ഉപയോഗിച്ച് തനിക്കെതിരെ ഗൂഢാലോചന നടക്കുന്നുണ്ടെന്നും, തൻ്റെ ജീവൻ തന്നെ അപകടത്തിലാണെന്നും താരം ആരോപിച്ചിരുന്നു. ഈ വിഷയത്തിൽ നടിമാരായ ലക്ഷ്മി പ്രിയ, ശ്വേത മേനോൻ എന്നിവർക്കെതിരെ അൻസിബ പാലാരിവട്ടം പോലീസ് സ്റ്റേഷനിൽ ഔദ്യോഗികമായി പരാതി നൽകുകയും ചെയ്തിട്ടുണ്ട്. താൻ നേരിട്ട ക്രൂരതകൾക്കെതിരെ നിയമപോരാട്ടം തുടരുമെന്നും, നീതി ലഭിക്കുമെന്ന ഉറച്ച വിശ്വാസമുണ്ടെന്നും വ്യക്തമാക്കിയ അൻസിബയുടെ പോസ്റ്റ് വലിയ ചർച്ചകൾക്കാണ് വഴിവെച്ചിരിക്കുന്നത്.
Summary: Amidst the ongoing controversy surrounding her allegations against fellow actors and the ‘AMMA’ organization, actress Ansiba Hassan has shared a picture with superstar Mohanlal. Sharing the image on social media with the caption “That love and care, both on-screen and off-screen,” Ansiba seems to clarify that Mohanlal is not the ‘great actor’ she referred to in her earlier post about the harassment and character assassination she faced.
