റിപ്പോർട്ട്: അൻവർ ഷരിഫ്
വാഴക്കാട്: ജില്ലയിലെ ഊർക്കടവിൽ സംസ്ഥാന പാതയോരത്തും എടവണ്ണപ്പാറ ഫാറൂഖ് കോളേജ് റോഡ് ഭാഗത്തും വർഷങ്ങളായി തുടർന്നുവന്ന അനധികൃത കച്ചവടങ്ങളും കയ്യേറ്റങ്ങളും വാഴക്കാട് ഗ്രാമപഞ്ചായത്ത് അധികൃതർ പൊളിച്ചുനീക്കി (Vazhakkad Panchayat Demolishes Illegal Encroachments). ഇതിന്റെ ഭാഗമായി ഊർക്കടവ് ജംഗ്ഷനിൽ വർഷങ്ങളായി യാത്രാതടസ്സവും അപകടങ്ങളും സൃഷ്ടിച്ചിരുന്ന പഴയ ടോൾ ബൂത്തും പഞ്ചായത്ത് പൊളിച്ചുമാറ്റിയിട്ടുണ്ട്.
വർഷങ്ങൾക്ക് മുമ്പ് ഈ ടോൾ ബൂത്തിന് സമീപത്തുണ്ടായ വാഹനാപകടത്തിൽ ഒരാൾ മരണപ്പെട്ടിരുന്നു. എതിർദിശയിൽ നിന്ന് വരുന്ന വാഹനങ്ങൾ പെട്ടെന്ന് കാണാൻ സാധിക്കാത്ത വിധത്തിലായിരുന്നു ഇവിടെ ബൂത്ത് പ്രവർത്തിച്ചിരുന്നത്. ഇത് പൊളിച്ചുനീക്കിയതോടെ ഇതുവഴിയുള്ള കാൽനടയാത്രക്കാർക്കും ചെറുകിട വാഹനങ്ങൾക്കും വലിയ ആശ്വാസമാണ് ലഭിച്ചിരിക്കുന്നതെന്ന് സ്ഥിരം യാത്രക്കാർ പറയുന്നു. അനധികൃത കയ്യേറ്റങ്ങൾ ഒഴിപ്പിക്കുന്നതിന്റെ ഭാഗമായാണ് കർശന നടപടിയെന്നും വരും ദിവസങ്ങളിലും പരിശോധന തുടരുമെന്നും പഞ്ചായത്ത് അധികൃതർ വ്യക്തമാക്കി.
Summary: The Vazhakkad Grama Panchayat has demolished illegal encroachments and roadside shops along the state highway and Edavannappara-Farook College road areas in Oorkadavu. As part of this clearance drive, authorities also removed a long-standing disused toll booth at the Oorkadavu junction that had previously contributed to severe blind spots and fatal traffic accidents.
