മലപ്പുറം: നാടിനെ നടുക്കിയ വാൽപ്പാറ വാഹനാപകടത്തിൽ പരിക്കേറ്റ് ചികിത്സയിലായിരുന്ന ഒരാൾ കൂടി മരിച്ചു. സഹ ഡ്രൈവർ നൗഷാദ് അലിയാണ് കോയമ്പത്തൂർ ആശുപത്രിയിൽ ചികിത്സയിലിരിക്കെ പുലർച്ചെയോടെ അന്തരിച്ചത്. ഇതോടെ അപകടത്തിൽ മരിച്ചവരുടെ എണ്ണം പത്തായി ഉയർന്നു.(Valparai tragedy, Death toll rises to 10; Co-driver who was undergoing treatment dies)
നൗഷാദിന്റെ ആരോഗ്യനില വഷളായിട്ടും വിദഗ്ധ ഡോക്ടർമാർ എത്താൻ വൈകിയെന്നാണ് ബന്ധുക്കളുടെ പരാതി. നട്ടെല്ലിന് ഗുരുതരമായി പരിക്കേറ്റ് തീവ്രപരിചരണ വിഭാഗത്തിൽ കഴിയുകയായിരുന്നു അദ്ദേഹം. അപകടത്തിൽ പരിക്കേറ്റ മൂന്ന് പേർ ഇപ്പോഴും ചികിത്സയിൽ തുടരുകയാണ്. മലപ്പുറം സ്വദേശികൾ സഞ്ചരിച്ച വാഹനം വാൽപ്പാറയിൽ വെച്ച് അപകടത്തിൽപ്പെടുകയായിരുന്നു.
